روسیا فدراسیاسینین پرزیدنتی ولادیمیر پوتین دکابرین ۲۸-ده آذربایجان رسپوبلیکاسینین پرزیدنتی ایلهام علیئوه زنگ ائدیب.

Axar.az خبر وئریر کی، بو باره‌ده آذربایجان پرزیدنتینین مطبوعات خدمتی معلومات یاییب.

تلفن دانیشیغی اسناسیندا ولادیمیر پوتین دکابرین ۲۵-ده باکی-گروزنی مارشروتو اوزره اوچوش یئرینه یئتیره‌ن «آذربایجان هوا یوللاری»نا مخصوص سرنیشین طیاره‌سینین روسیانین هوا مکانیندا فیزیکی-تکنیکی کاراکترلی کنار مداخیله‌یه معروض قالماسی و نتیجه‌ده باش وئرمیش فاجیعوی حادثه ایله باغلی عذرخواهلیغینی افاده ائدیب، بو قزادا هلاک اولانلارین عائله‌لرینه و یاخینلارینا درین و ان صمیمی باش‌ساغلیغینی بیر داها چاتدیریب، خسارت آلانلارین تئزلیکله شفا تاپماسینی دیلدیینی دئییب.

صحبت زمانی دولت باشچیلاری بو فاجعه‌نین بوتون تفرعاتلارینین جدی و هرطرف‌لی آراشدیریلماسی و گناهکارلارین مسئولیته جلب ائدیلمه‌سینی مذاکیره ائدیبلر.

پرزیدنت ایلهام علیئو بیلدیریب کی، آذربایجان طرفینین تکلیفی ایله بو قزانین سببلرینین هرطرف‌لی آراشدیریلماسی اوچون بین‌الخالق اکسپرتلردن عبارت هئیت تشکیل ائدیلیب و بو هئیت آرتیق فعالیته باشلاییب.

دولت باش‌چیلاری، همچینین فاجعه ایله علاقه‌دار باشلانیلمیش استنتاق پروسسینین تام شفاف شکیلده آپاریلاجاغینی و متمادی قایدادا اجتماعیته معلومات وئریله‌جه‌یینی وورغولاییبلار.