خارجی سیاستده، او جمله‌دن قونشو دولتلرله علاقه‌لرده جدی پروبلملر یاشایان ایران اسلام رسپوبلیکاسی، رسمی بیاناتلارا رغما، یئنی ایله آذربایجانلا مناسبتلرده نوبتی گرگینلیکله باشلاییب.

Axar.az خبر وئریر کی، بو باره‌ده "آزاد ایران" یوتوب کانالین‌دا یاییملانان سوژئتده قید اولونوب.

بیلدیریلیب کی، ۲۰۲۵-جی ایلین ایلک گونو، یانوارین ۱-ده ایران سفیرلیینین موقتی ایشلر وکیلی سید جعفر آقایی آذربایجان خارجی ایشلر ناظیرلیینه چاغیریلیب، دکابرین ۲۹-دا اردبیل ایالتینده کئچیریلمیش تدبیرده آذربایجانین و اونون پرزیدنتینین عنوانینا سسله‌ندیریله‌ن تحقیرامیز ایفاده‌لره گؤره تهران طرفینه کسکین اعتراض بیلدیریلیب، بو کیمی تخریباتلارا سون قویولماسی طلب اولونوب.

"رسمی باکینین آتدیغی بو آددیم دانیلماز حقوقی اساسلارا مالکدیر، بو دا ایران حاکمیتینه سؤزوگئدن تدبیری و اورادا سسلنه‌ن ادعالاری باشقا جور قلمه وئرمک، یاخود مالالاماق شانسی قویمور.

بئله کی، بیرینجی‌سی، اردبیلین "عز‌م مسجدی"نده کئچیریلمیش "مقاومت جبهه‌سی" شهیدلرینین و چالدیران شهیدلرینین آنیم مراسمی" قاباقجادان اعلان ائدیلمیش رسمی تدبیر اولوب. ایکینجی‌سی، تدبیرین کئچیریلمه‌سینه خیر-دعا وئرن، اوندا اشتراک و چیخیش ائد‌ن آیت الله سید حسن عاملی رسمی شخصدیر، یعنی ایرانین عالی رهبری آیت الله علی خامنه‌اینین اردبیل ایالتینده‌کی صلاحیتلی نماینده‌سی و اردبیل شهرینین امام-جمعه‌سیدیر. بوندان باشقا، تدبیرین اساس تشکیلاتچی‌سی اولان "انصار المهدی هیئتی" سپاه-این نظارتی آلتیندا فعالیت گؤسترن رسمی قوروم‌دور. همچنین، تدبیرده‌کی چیخیشیندا آذربایجان و تورکیه پرزیدنتلرینین عنوانینا تحقیرامیز ایفاده‌لر ایشله‌دن شخص تصادفی آدام دئییل، "انصار المهدی هیئتی"نین اردبیل بؤلمه‌سینین رهبریدیر. اؤزو ده تدبیر ایران دولت تلرادیو تشکیلاتینین "خبر شبکه‌سی" آدلانان کانالی ایله جانلی یاییملانیب، بو دا همین تدبیره ان یوکسک سوییه‌ده دستک وئریلدیی آنلامینا گلیر"، - دئیه مؤلف وورغولاییب.

اطرافلی ویدئودا: