غربی آذربایجان‌لیلارین اؤز دده-بابا یوردلارینا قاییتماسی باره‌ده آذربایجانین موقعی قطعی‌لشدیکجه، ارمنستان‌دا پانیکا درینلشیر.

Axar.az خبر وئریر کی، خصوصیله تر-پتروسیانین ۲۳ ایول ۱۹۹۳-جو ایلدکی چیخیشینین یاییلماسیندان سونرا رسمی باکی‌نین بو مسئله‌ده الینین حقوقی باخیم‌دان گوجله‌نمه‌سیندن ارمنی اجتمایتی ناراحاتلیقلارینی گیزلتمیرلر. پتروسیان آذربایجان‌لیلارین سلاح گوجونه، ترورچو «یرکراپا» قوه‌لرینین ده خصوصی جانفشانلیغی ایله قووولدوغونو تصدیقله‌ییب و بو ویدئو-چیخیش ارمنی فاشیزمینی افشا ائد‌ن نوبتی فاکت اولاراق قیده آلینیب. آذربایجانین بو فاکتدان لازیمینجا استفاده ائدجیینی آنلایان ارمنیلر بونا قارشی «ب واریانتی» حاضرلانمالی اولدوغو حاقدا های-کوی باشلدیبلار.

ارمنستان باش ناظری نیکول پاشینیان بو موضوع‌دا دانیشیب و ارمنی فاشیزمی باره‌ده سون اوزه چیخان فاکتدان قاچا بیلمدیینی دولاییسی ایله تصدیقله‌ییب. بونا جواب اولاراق ایسه «صلح گوندلیینه سونادک صادق قالاجاقلاری» «دوسترونو» تکلیف ائدیب.

ارمنی پولیتولوگلارین جدی تنقیدینه باخمایاراق، اصلینده نیکول پاشینیانین ارمنستانین اولکی ۳ پرزیدنتینین حاضردا ایفشا اولونان عمللریندن حقوقی موستویده خلاص اولماغا جان آتدیغی آیدین گؤرونور. بونا گؤره ده او، «غربی آذربایجان قازاخدا بیتدیی کیمی، غربی ارمنستان دا آرماویرده، آراز چایینین یاخینلیغین‌دا بیتیر» تئزیسینی ایر‌لی سوروب. بئله گؤرونور کی، پاشینیان «غربی آذربایجان» آنلاییشینی تحریف ائد‌رک، بونو آذربایجانین تورپاق ادعاسی کیمی تقدیم ائتمه‌یه، بونا قارشی‌لیق اولاراق ایسه اؤزلرینین «غربی ارمنستان» دئیه تورکییه‌یه اراضی ادعاسیندان ال چکدیکلرینی گؤسترمه‌یه چالیشیر. گویا هر ایکی‌سی تجاوز ایستیی‌دیر – ارمنستان «غربی ارمنستان» ادعاسیندان ال چکیر و آذربایجان دا «غربی آذربایجان»دان امتنا ائتمه‌لیدیر.

حالبوکی تاریخی «غربی آذربایجان» آنلاییشی گؤیچه، غربی زنگزور، درلیز کیمی محللارین آذربایجان رسپوبلیکاسینین ترکیبینه داخیل ائدیلمه‌سینی نظرده توتمور، ۱۹۸۸-جی ایله قدر ایندیکی ارمنستان اراضی‌سینده یاشایان آذربایجان‌لیلارین گئریدؤنوشونو تثبیت ائدیر. چونکی پتروسیانین دا اعتراف ائتدیی کیمی، بو آذربایجان‌لیلار اؤز تورپاقلاریندان سلاح گوجونه قووولوبلار و اونلاری قووماق اوچون ارمنی ترورچولار ۲۱۶ مولکی آذربایجانلینی خصوصی آمانسیزلیقلا قتله یئتیریبلر.

دیگر طرفدن، پاشینیان سیاسی-اینفورماتیو مانیپولیاسییا ایله گویا قونشو اؤلکه‌لرین اراضی‌سینه ادعا ائتمدیکلرینی بیلدیرسه ده، سرعتله سلاحلانیر و آذربایجانلا سرحدده بونکرلر، تونلر اینشا ائدیلیر. او جمله‌دن، ارمنستانین مدافعه ناظری سورن پاپیکیان ۲۰۱۴-جو ایلده قاراباغ، ناخچیوان (آذربایجان)، «غربی ارمنستان» (تورکییه) و جاواختییا (گرجستان) اراضیلرینه ادعا ائد‌ن «بایراقلار سیموولیکاسی» پایلاشیمینی اؤز سوسیال شبکه حسابیندا هله ده ساخلاماقدادیر. قونشو اؤلکه‌لرین اراضی‌سینه ادعا ائد‌ن بیر شخصین ارمنستان‌دا مدافعه ناظری وظیفه‌سینی توتماسی ایسه پاشینیانین حاضرکی آچیقلامالارینین «اؤزونوقوروما اینستیکتی» اولدوغونو ثبوت ائدیر.

یئری گلمیشکن قید ائدک کی، نیکول پاشینیانین اؤزوندن اولکی حکومت و دولت باشچیلاریندان گویا «داها کونستروکتیو» اولماسی باره‌ده فکرلر ده ایللوزییادیر. پاشینیانین شوشادا رقصی، «قاراباغ ارمنستان‌دیر و نقطه» سؤزلری هر کسین خاطرینده‌دیر. پاشنیانین «کونستروکتیو» دئییل، اشغال سیاستیندن ده قطعیا ال چکمه‌ییب، ساده‌جه، اوردوموز پاشنیانی اشغال سیاستیندن ال چکمه‌یه مجبور ائدیب.