۲۰۲۵-جی ایل یانوارین ۱۶-دا آذربایجان رسپوبلیکاسی و ارمنیستان رسپوبلیکاسی آراسیندا سرحدده آذربایجان رسپوبلیکاسی باش ناظیرینین معاونی شاهین مصطفی‌یئو و ارمنیستان رسپوبلیکاسی باش ناظیرینین معاونی مهر گریگوریانین صدرلیی آلتین‌دا آذربایجان رسپوبلیکاسی ایله ارمنیستان رسپوبلیکاسی آراسیندا دولت سرحدینین دلیمیتاسییاسی اوزره دولت کومیسیاسینین و ارمنیستان رسپوبلیکاسی ایله آذربایجان رسپوبلیکاسی آراسیندا دولت سرحدینین دلیمیتاسییاسی و سرحد تهلوکه‌سیزلیی مسئله‌لری اوزره کومیسیانین اون بیرینجی گؤروشو کئچیریلیب.

Axar.az خبر وئریر کی، گؤروش زمانی طرفلر نوبتی مرحله‌ده دلیمیتاسییا ایشلرینین حیاتا کئچیریلمه‌سی اوچون سرحد خطینین ساحه‌لرینین/حصه‌لرینین آردیجیللیغی مسئله‌سی ایله باغلی فکر مبادله‌سینی داوام ائتدیریب و دولت سرحدینین دلیمیتاسییاسی اوزره کمپلکس ایشلرین شمال ساحه‌سیندن باشلایاراق آذربایجان رسپوبلیکاسینین، ارمنیستان رسپوبلیکاسینین و گورجوستانین سرحدلرینین قووشما نقطه‌سی اراضی‌سیندن جنوب استقامتینده، شمالدان جنوبا، آذربایجان رسپوبلیکاسینین و ارمنیستان رسپوبلیکاسینین ایران اسلام رسپوبلیکاسی ایله سرحدینه قدر باشلانماسی باره‌ده راضیلیغا گلیبلر.

همچنین طرفلر دلیمیتاسییا ایشلرینین گؤرولمه‌سی قایداسی اوزره موافق تعلیماتلارین لاییحه‌لرینی مذاکره ائدیبلر.

طرفلر نوبتی گؤروشون کئچیریلمه‌سینین تاریخینی و یئرینی ایشچی قایدادا معین ائتمک باره‌ده راضیلیغا گلیبلر.