اینترنت‌ده بیر گروپ آذربایجانلینین (گونئی آذربایجان‌لیلارین) ایروانین رسپوبلیکا میدانین‌دا «قاراباغ» ماهنی‌سینی آذربایجانجا اوخوماسینی عکس ائتدیره‌ن ویدئونون ارمنیلری شوکا سالدیغی باره‌ده معلومات وئرمیشدیک.

Axar.az خبر وئریر کی، ارمنستان حاکمیتی ویدئونون کهنه اولدوغونو ادعا ائدیب. اما پولیتولوگ گاگیک هامباریان اؤز فیسبوک صحیفه‌سینده بیلدیریب کی، ویدئو یئنی‌دیر.

«اولا، ماتریالین کهنه و یا تزه اولماسی بیر او قدر ده اؤنملی دئییل. فاکت ایسه اودور کی، ماتریال یئنی‌دیر و بونون ثبوتو رسپوبلیکا میدانینین بزیی‌دیر...

کونکرت اولاراق ایسه میدان‌دا یئرلشدیریلمیش اولدوزلاردیر. حکومت بیناسینین کئچن ایل سؤکولن ساعت قوله‌سی دکوراسیالار آراسیندا اولماییب و بو ایل قوراشدیریلیب... یعنی ویدئو یئنی‌دیر»، - پولیتولوگ بیلدیریب.

هامباریان آذربایجان کشفیاتینین ایرواندا ایشلدیینه ده امین اولدوغونو دئییب:

«گمان ائدیره‌م کی، بوتون بونلارین تشکیلاتچیلاری آذربایجان خصوصی خدمت اورگانلاری‌دیر کی، اونلار ایلک نوبه‌ده ارمنیلره ارمنستان‌دا ایستدیکلرینی، ایستدیکلری یئرده، ایستدیکلری زمان ائده بیله‌جکلرینی، ارمنستانین آغالاری و حکمدارلاری اولدوقلارینی گؤستردیلر. اونلار رسپوبلیکا میدانیندا آذربایجان دیلینده «قاراباغ» ماهنی‌سینی اوخویا بیلیرلر... ایکینجی‌سی، بوتون بونلارین تشکیلاتچیلاری داها بیر فاکتی تصدیقله‌دیلر کی، ایران‌دان بعضی آذربایجان وطنداشلاری ارمنستانا گلیب. ارمنستان‌دا آذربایجان آگنت شبکه‌سینین نماینده‌لری وار و اونلار باکی‌نین گؤستریشی ایله هر شئیه حاضردیرلار».