آکتاو یاخینلیغیندا قضایا اوغرایا آزال طیاره‌سی یئر سطحی ایله توققوشانا قدر خارجی تأثیره معروض قالیب.

Axar.az خبر وئریر کی، بو باره‌ده آزال-این آکتاودا قضایا اوغرایان طیاره‌سی ایله باغلی تحقیقاتا دایر ایلکین حساباتدا معلومات وئریلیر.

معلوماتا گؤره، هوا گمی‌سی هوا شرایطینین الوئریشلی اولماماسی سببیندن گروزنی اوزرینده ایکینجی ائنیشی یئرینه یئتیره بیلمدیکدن سونرا کاپیتان باکییا قاییتماق باره‌سینده قرار وئریب. بو قرارین قبول ائدیلمه‌سیندن سونرا گروزنی اوزرینده ج.و.ر-دا ۲۴ ثانیه آرالیقلا ایکی دفعه کنار سسین گلمه فاکتی قیدیاتا آلینیب.

حساباتا اساساً، ج.و.ر و ف.د.ر معلوماتلارینین توتوشدورولماسی نتیجه‌سینده معین ائدیلمیشدیر کی، بیرینجی کنار سسدن ۴ ثانیه سونرا ۳-جو هیدرولیک سیستم، ۶ ثانیه سونرا ۱-جی هیدرولیک سیستم، ۲۱ ثانیه سونرا ۲-جی هیدرولیک سیستم فونکسیوناللیغینی ایتیرمکله سیرادان چیخیب.

"هوا گمی‌سینین فوزلیاژین‌دا چوخسایلی دلیب کئچه‌ن و کور زده‌لرین اولماسی فاکتی آشکار اولونموش و فوتو، هابئله ویدئو قیدیاتا آلینمیشدیر. همین زده‌لرین هوا گمیسینین فوزلیاژینین آرخا حصه‌سینده، خصوصیله شاقولی و افقی استابیلیزاتورلاریندا چوخ سایدا، هابئله سول قاناددا و سول حرکده آشکار اولونوب"، - حساباتدا دئییلیر.

قید ائدیلیب کی، هوا گمی‌سی قالیقلارینین کور زده‌لرینده اولان هوا گمی‌سینه مخصوص اولمایان کنار اوبیکتلر آشکارلاناراق گؤتورولموش و همین کنار اوبیکتلرین فوتو شکللری ایلکین حسابات متنینده اجتماعیته تقدیم ائدیلمیشدیر. گله‌جکده آشکار اولونموش کنار اوبیکتلرین دقیق منصوبیتینین معیینلشدیریلمه‌سی مقصدیله علاوه اکسپرتیزالارین کئچیریلمه‌سی پلانلاشدیریلمیشدیر.

خاطیرلاداق کی، آزال-آ مخصوص باکی-گروزنی آویاریسینی حیاتا کئچیرن سرنشین طیاره‌سی ۲۰۲۴-جو ایل دکابرین ۲۵-ده گروزنی‌دا روسیا هوا هجوموندان مدافعه سیستمی واسطه‌سیله وورولوب. ائنیشینه اجازه وئریلمدییندن قازاخیستانا اوز توتان طیاره آکتاو هوا لیمانی یاخینلیغیندا قضایا اوغراییب. طیاره‌نین گؤیرته‌سینده‌کی ۶۷ نفردن ۳۸-ی هلاک اولوب، ۲۹-او ساغ قالیب.