قازاخیستان حکومتینین آچیقلادیغی ایلکین حساباتلا گئرچکلرین اوزه چیخدیغینی دئیه بیلریک. یعنی بورادا پیلوتلارین هانسی‌سا بیر قباحتینین اولمادیغی، اونلارین جسور و فداکار شکیل‌ده داوراندیغی حقیقتینی بیر داها گؤردوک. دیگر طرفدن، برازیلییا شرکتی اولان استحصال‌چی «امبرایر»این ده اشتراک ائتدیی ایلکین استنتاق چرچیوه‌سینده طیاره‌ده هر هانسی ناسازلیغین اولمادیغی، محریکلرین سونا قدر چالیشدیغی تصدیقلندی.

بو سؤزلری Axar.az-ا آویاسیا مسئله‌لری اوزره تورکیه‌لی متخصص موسی آلیوغلو آذال-آ مخصوص طیاره قضاسینین سببلری ایله باغلی درج ائدیله‌ن ایلکین حساباتی شرح ائدرکه‌ن دئییب.

او، بین‌الخالق چیکاگو کونونسیاسینا اویغون اولاراق آپاریلان استنتاقین آذربایجان طرفینی حاق‌لی چیخاردیغینی وورغولاییب:

«یعنی بو طیاره‌نین خاریجی هجوما، هوا هجوموندان مدافعه سیستملرین ضربه‌سینه معروض قالدیغی گئرچیی بیر نوع ثبوت اولوندو. حسابات‌دا طیاره‌نین کنار مداخیله نتیجه‌سینده قضایا اوغرادیغی فاکتلارلا آچیقلادی: قضا هجوم نتیجه‌سینده میدانا گلیب و محض پیلوتلارین سعیی ایله داها دهشتلی فاجعه‌نین قارشی‌سی آلینیب، یعنی قضادان ساغ چیخانلار اولوب. اونلارین جسارتلی سعی‌ینین تاریخه کئچدیینی وورغولاماق مطلق‌دیر. بو قضا ایسه دنیا مولکی آویاسیا تاریخین‌ده چوخ پیس، خوش اولمایان ایز بوراخدی».

اکسپرتین سؤزلرینه گؤره، روسیا طرفینین بو موضوع‌دا لازیمی آددیملاری آتماماسی، یانلیشینی اعتراف ائتمه‌مه‌سی، ملکی طیاره‌نی وورماسینین مسئولیتینی اوکراینانین اوزرینه آتماق جهدی و س. چیکاگو کونونسیاسینا گؤره ده سوچدور:

"بورادا روسیا حکومتی هم اؤلنلرین یاخینلارینا، هم طیاره‌یه دیمیش زیانا گؤره آذربایجان طرفینه تضمینات، کومپنساسییا اؤد‌مه‌لیدیر. چونکی هوا ساحه‌سینی دوغرو شکیلده اداره ائده بیلمه‌یه‌ن روسیا حکومتی قباحتلی و گناهکاردیر».

خاطرلاداق کی، آذال-ا مخصوص باکی-گروزنی آویاریسینی حیاتا کئچیره‌ن سرنیشین طیاره‌سی ۲۰۲۴-جو ایل دکابرین ۲۵-ده گروزنیدا روسیا هوا هجوموندان مدافعه سیستمی واسطه‌سیله وورولوب. ائنیشینه اجازه وئریلمدییندن قازاخستانا اوز توتان طیاره آکتاو هوا لیمانی یاخینلیغین‌دا قضایا اوغراییب. طیاره‌نین گؤیرته‌سین‌ده‌کی ۶۷ نفردن ۳۸-ی هلاک اولوب، ۲۹-او ساغ قالیب.

قضا ایله باغلی ایلکین حسابات دونن یاییلیب.