ارمنستان باش ناظیری نیکول پاشینیان واشینگتن سفرینی بیتیریر. هانسی کی، بو دؤنم عرضینده او، غربین گؤزونده اؤزونون یئنی سئویملی دموکرات ایمیجینی گوجله‌ندیرمه‌یه اومید ائدیردی. لاکین هله ده بیلینمیر کی، گؤندردیی مئساژلارا ترامپ آدمینیستراسییاسی رئاکسیا وئریر، یا یوخ.

Axar.az - خبر وئریر کی، بو باره‌ده «آورواسیانت» نشرینده قید ائدیلیب.

نشرین معلوماتینا گؤره، پاشینیان قصداً صلحله باغلی چیخیشلار ائدیب کی، آمریکادان اهمیتلی یاردیم آلا بیلسین.
«او چالیشیر کی، وضعیتدن استفاده ائتسین. ارمنستانین گورجوستانی عوض ائتمه‌سینه جهد ائدیر»، – مقاله‌ده یئر آلیب.

سایت همچینین قید ائدیر کی، پاشینیانین دموکراتیک‌لشمه پلانینین اساسینی آذربایجانلا صلح راضیلاشماسی تشکیل ائدیر:

«او، آذربایجانلا صلحو غربه آسان قوپاریلاسی میوه کیمی تقدیم ائتمه‌یه چالیشیر. ترامپین صلحله باغلی موقعیی بیلینمه‌سه ده، ارمنستانا اولکی مالیه دسته‌یینی اورتامدتلی پرسپکتیوده آییرمایاجاغی ایله باغلی فکری قطعی‌دیر».