بو گون باکی‌دا باندیتلر اوزرینده کئچیریلن محکمه اجلاسینین نتیجه‌لرینی اوخودوم و جدی دییشیک‌لیکلرین شاهیدی اولدوم. آذربایجان ایشی یئنی‌دن تصنیف ائد‌رک، "ارمنستانین آذربایجانین اراضی‌سینده تؤره‌تدیی جینایتلر" کیمی قیمتلندیریب، اتهام اولونانلار ایسه بو عمومی ایش اوزره ساده‌جه مختلیف ائپیزودلارین اشتیراکچیلاری‌دیر.

Axar.az خبر وئریر کی، بو فیکیرلری ارمنی بلوگئر ایشخان وئردیان دئییب.

او قید ائدیب کی، باکینین بو آددیمی ارمنستان و باش ناظر پاشینیان اوچون بیر چاغیریشدیر:
«حاضردا بونا او قدر ده اهمیت وئریلمیر، لاکین تئزلیکله بو مسئله اؤزونو گؤستره‌جک و ارمنستان‌دا بؤیوک طلاطملرله نتیجه‌لنه بیلر.

اودور کی، بو وضعیت‌ده ایروانین یگانه چیخیش یولو — باکی‌داکی استینطاق بین‌الخالق حقوق چرچیوه‌سینده آپاریلارسا، اونونلا هرطرفلی امکداشلیق ائتمک‌دیر. بوندان باشقا، ایروان اتهام طرفینه قوشولا، کؤچریان، سرکیسیان و دیگرلری حاقیندا فاکتلار تقدیم ائده، حتی اونلاری آذربایجانا اکسترادیسییا ائده بیلر».