آذربایجان پرزیدنتی ایلهام علیئو ایران پرزیدنتی مسعود پزشکیانا تبریک مکتوبو عنوانلاییب.

Axar.az مکتوبون متنینی تقدیم ائدیر:

"حرمت‌لی جناب پرزیدنت،

ایران اسلام رسپوبلیکاسینین ملی بایرامی – اسلام انقلابینین غلبه‌سی گونو مناسبتیله سیزی و بوتون خالقینیزی شخصاً اؤز آدیمدان و آذربایجان خالقی آدین‌دان اورکدن تبریک ائدیره‌م.

بیز آذربایجان ایله ایران آراسین‌دا دولتلرآراسی علاقه‌لرین هرطرف‌لی انکشافینا خصوصی اهمیت وئریریک. اؤلکه‌لریمیز آراسیندا مناسبتلر سیخ تئللرله بیر-بیرینه باغلی اولان خالقلاریمیزین اورتاق تاریخی، دینی و مدنی دیرلریندن قایناق‌لانیر.

حاضردا اؤلکه‌لریمیز اقتصادی-تجاری، نقلیات، انرگتیکا و دیگر ساحه‌لرده ثمره‌لی امکداش‌لیق ائدیرلر. قارشی‌لیقلی فعالیتیمیزین احاطه دایره‌سینین داها دا گئنیشلندیریلمه‌سی و یئنی مزمونلا زنگینلشدیریلمه‌سی اوچون الوئریشلی امکانلار موجوددور.

اینانیرام کی، اؤلکه‌لریمیزین رفاهی، بؤلگه‌نین ثابت‌لییی و تهلوکه‌سیزلییی نامینه آذربایجان-ایران مناسبتلری و امکداشلیغی بوندان سونرا دا دوستلوق، قارداشلیق و مهریبان قونشولوق پرینسیپلری اساسین‌دا انکشاف ائد‌جک و محکم‌لنه‌جکدیر.

بئله بیر خوش گونده سیزه محکم جانساغلیغی، خوشبختلیک، ایشلرینیزده اوغورلار، دوست و قارداش ایران خالقینا دایم امین-آمانلیق و رفاه آرزولاییرام".