زنگزور دهلیزی موضوع‌سو ارمنستان طرفینده گئنیش مذاکره ائدیلیر. آذربایجانین زنگزور دهلیزینین آچیلماسی ایله باغلی طلبلری بللی‌دیر. رسمی ایروان بو تضییقلر فونوندا مختلف اورتاق واریانتلار تکلیف ائدیر.

Axar.az خبر وئریر کی، بو سؤزلری آذربایجانین سابق خاریجی ایشلر ناظری، پولیتولوگ توفیق زلفقاروو دئییب.

سابق ناظر بیلدیریب کی، ایندیکی مرحله‌ده دهلیزله باغلی سس‌لنن فکرلری سونونجو تکلیف کیمی قبول ائتمک اولماز:

«چونکی دیگر موضوع‌لارا عایید مؤقعلر دییشمه‌ییب. اصلینده ارمنستان دا بؤیوک اویون‌چولارین اویونونون نه ایله نتیجه‌له‌نه‌جه‌یینی گؤزلییر. آمریکا-روسییا، آمریکا-ایران استقامتین‌ده هانسی پروسسلرین گئدجیی هله معلوم دئییل».

توفیق زلفقارووا گؤره، آذربایجانین غرب رایونلاری ایله ناخچیوان آراسیندا علاقه‌لر یارادیلارسا، ارمنستان دا بوندان بهره‌لنه بیلر:

«صحبت ناخچیوانا گئده‌جک دمیر یولو خطین‌دن استفاده‌دن گئدیر. ارمنستان دا ناخچیوان اراضی‌سین‌دن کئچن دمیر یولو خطین‌دن استفاده ائده بیلر. مهری‌دن ناخچیوانا قدر دمیر یولو شبکه‌سی بونون اوچون اوپتیمال واریانت کیمی تکلیف اولونور. بورادا پارالل‌لیک آپارماق دوزگون اولماز. چونکی ناخچیوان فرق‌لی بیر وضعیت‌ده‌دیر. سؤزسوز کی، دهلیزین هانسی واریانتلا آچیلماسی ایله باغلی دانیشیقلار بوندان سونرا دا داوام ائد‌جک. یکون قرارا هله چوخ وار».

قید ائدک کی، ارمنستان پارلامنتینین صدری آلن سیمونیان یوک قطارلاری اوچون "مانعه‌سیز کئچید" (مهورلنمیش یوکلرین باخیلمادان کئچمه‌سی) تکلیف ائده بیله‌جکلرینی دیله گتیریب.