اوکراینا پرزیدنتی ولادیمیر زلنسکی آذربایجان خاریجی ایشلر ناظری جیحون بایرامووو کی‌یئوده قبول ائدیب.

Axar.az خبر وئریر کی، بو باره‌ده زلنسکی "تلگرام" کانالین‌دا بیلدیریب.

"آذربایجانین خارجی ایشلر ناظری جیحون بایرامووو قبول ائتدیم. جناب ناظر روسیانین اشغالی باشلایاندان بری اوکراینایا ایلک دفعه‌دیر سفر ائدیر. او، سفرینه آذربایجانین یاردیم گؤستردیی مکتبی، خسته‌خانانی و رئابیلیتاسییا مرکزینی زیارت ائتدیی ایرپندن باشلاییب. اؤلکه‌میز و خالقیمیز اوچون بو چتین گونلرده بورایا گلمه‌یه و بیزی دستکله‌مه‌یه امکان تاپدیغینیزا گؤره چوخ میننتداریق. اوکراینا خالقی ایله همرای‌لییه گؤره تشکر ائدیره‌م"، - زلنسکی قید ائدیب.

زلنسکی روسیانین اوکراینایا داوام ائد‌ن ضربه‌لری، قارا دنیزده‌کی وضعیت و مسکوانین تاخیل دهلیزلرینی بلوکلاماسی باره‌ده جیحون بایرامووو معلوماتلاندیریب.