آذربایجانین باش ناظیری علی اسدوو فورالین ۱۷-ده تهران شهرینه ایشگوزار سفری چرچیوه‌سینده ایرانین بیرینجی ویتسئ-پرزیدنتی محمد رضا عارفله گؤروشوب.

Axar.az خبر وئریر کی، بو باره‌ده آذربایجان ناظیرلر کابینتیندن بیلدیریلیب.

گؤروشده آذربایجان-ایران مناسبتلرینین موجود وضعیتی، همچنین اقتصادیات، تجارت، اینوستیسییا، نقلیات-ترانزیت، نفت-گاز، انرگتیکا و هومانیتار ساحه‌لرده امکداشلیغین پرسپکتیولری مذاکره اولونوب.

آوتوموبیل و دمیر یوللاری باغلانتیلارینین یارادیلماسی، ایران اراضی‌سیندن کئچمکله شرقی زنگزور - ناخچیوان نقلیات اینفراستروکتورونون تیکینتیسی، شمال-جنوب نقلیات دهلیزینین انکشاف ائتدیریلمه‌سی و دیگر بیرگه لاییحه‌لرین اجرا وضعیتی نظیردن کئچیریلیب.

عینی زمان‌دا خزرین اکولوژی وضعیتینین یاخشیلاشدیریلماسی، دنیزین چیرکلندیریلمه‌سینین و دایازلاشماسینین قارشی‌سینین آلینماسی، هابئله خزر دنیزی حوزه‌سینده امکداشلیقلا باغلی بیر سیرا دیگر مسئله‌لر باره‌ده مذاکره‌لر آپاریلدی.

***

۱۹:۳۶

فورالین ۱۷-ده آذربایجانین باش ناظیری علی اسدوو ایرانا ایشگوزار سفره گئدیب.

بو باره‌ده Axar.az-آ ناظیرلر کابینتیندن معلومات وئریلیب.

بیلدیریلیب کی، تهرانین مهرآباد هوا لیمانین‌دا علی اسدووو ایرانین یول و شهرسالما ناظیری، آذربایجان ایله ایران آراسین‌دا اقتصادی، تجارت و هومانیتار ساحه‌لرده امکداشلیق اوزره دولت کمیسیاسینین همصدری فرضانه صادق و دیگر رسمی شخصلر قارشیلاییبلار.

سفر چرچیوه‌سینده باش ناظیر ا.اسدوو ۳-جو خزر اقتصادی فوروموندا اشتراک ائد‌جک.