آمریکا و روسیا نماینده‌لرینین ریاض گؤروشو باشلانیلیب. دنیا سیاستین‌ده پرسپکتیولری معینلشدیرمیین و داغیدیجی-بیرلشدیریجی پروسسلرین باشلانغیجی اولا بیله‌جک گؤروش اوکراینادا محاربه‌نین دایاندیریلماسینا حصر اولونسا دا، گونده‌لیک بونونلا یکونلاشمیر.

نماینده هیئتلرینین ترکیبی ده – آمریکادان دولت کاتیبی مارکو روبیو، ترامپین ملی تهلوکه‌سیزلیک اوزره کمکچی‌سی مایک ولتس و یاخین شرق اوزره خصوصی نماینده‌سی ایستیون اویتکوف، روسیادان خاریجی ایشلر ناظری سرگئی لاوروو، پوتینین کمک‌چی‌سی یوری اوشاکوو و روسیا بیرباشا اینوستیسییالار فوندونون رهبری کیریل دمیتریئو – بو کونتکستده دقت چکیر. گونده‌لیک‌ده اوکراینا ایله یاناشی، یاخین شرق ده داخیل اولماقلا، بیر سیرا جغرافیالاردا باش وئره‌نلر، ائلجه ده اقتصادی مسئله‌لر و س. وار.

اوکراینا محاربه‌سینین دایاندیریلماسی و بو اؤلکه اوزرینده‌کی مؤقعلرین-ماراقلارین بؤلوشدورولمه‌سی هر ایکی طرف اوچون عمومی راضیلاشمادا بیر-بیرینه قارشی استفاده ائدجیی کارت کیمی ده گؤرونور، خصوصیله آمریکانین روسیایا قارشی بوندان استفاده امکانلاری گئنیشدیر.