آذربایجانین صدرلییی ایله باکی‌دا آسیا پارلامنت آسامبلیاسینین ۱۵-جی پلنار سسییاسی اؤز ایشینه باشلاییب.

ملی مجلیسین مطبوعات و اجتمایتله علاقه‌لر شعبه‌سیندن Axar.az-آ بیلدیریلیب کی، ۳۵ نماینده هئیتینین، او جمله‌دن، عمومی‌لیکده ۲۸۰ نفره یاخین نماینده‌نین اشتراک ائتدیی تدبیرده بیر سیرا مهم مسئله‌لرین مذاکره‌سی نظرده توتولور.

آسیا پارلانت آسامبلیاسی آسییا پارلامنتلرینی بیرلشدیرن مهم پارلامنت دیپلماتیاسی پلاتفورماسی اولماقلا یاناشی، بو جور تدبیرلر هم ده عضو اؤلکه‌لرین قانونوئریجی اورگانلاری آراسیندا مذاکره‌لرین و دیالوگون انکشافینا خدمت ائدیر.

قید ائدک کی، آرتیق ایندونزییا رسپوبلیکاسی نماینده‌لر پالاتاسینین صدری پوان ماهارانی، عمان سلطان‌لیغی شورا مجلسینین صدری خالد هلال ناصر آل-ماوالی، بلاروس ملی آسامبلیاسی رسپوبلیکا شوراسینین صدری ناتالیا کوچانووا، اؤزبکستان رسپوبلیکاسی عالی مجلس سناتینین صدری تنزیله ناربایئوا، بحرین کراللیغی شورا مجلسینین صدری علی صالح عبدالله السالئه، بوتان ملی آسامبلیاسینین صدری لونقتن دورجی، ایران اسلام شوراسی مجلیسینین صدری محمد باقر قالیباف، پاکستان سناتینین صدری سید یوسف رازا گیلانی و تاجیکستان رسپوبلیکاسی عالی مجلس نماینده‌لر پالاتاسینین صدری ماهمادتویر زوکیرزودا تدبیرده اشتراک ائتمک مقصدیله باکی‌یا سفره گلیب.