سوریادا باش وئرن حادثه‌لرین آرخاسین‌دا دایانان قوه‌نین ایران اولدوغونو هامی بیلیر. علوی‌لری «اسد طرفدارلاری» آدی آلتین‌دا سلاحلاندیرماق و جولانیه (احمد الشارع) قارشی عصیانا حاضرلاماق ایرانین سوریا سیاستلرینده بوندان سونرا نئجه مؤقع سرگیله‌یه‌جه‌یینی گؤستریر.

بو سیاست داها اول ایرانین دینی رهبری آیتوللاه علی خامنه‌ای طرفیندن اعلان اولونموشدو. هیئت تحریر الشام سوریانی اله کئچیرمه‌سیندن ایندی‌یه قدر بو «عصیان» اؤلکه‌ده ان جدی و ان قانلی حادثه حساب اولونور.

شبهه‌سیز کی، بو، ایلک نوبه‌ده جولانی‌یه، داها سونرا تورکیه منافعینه قارشی ایران اسلام رسپوبلیکاسینین ایلک حمله‌سی‌دیر.

سوریا علویلرینین جولانی حاکمیتینه و تورکیه‌نین ماراقلارینا قارشی حربی عملیاتین‌دا اسلام رسپوبلیکاسینین اوغورو و یا اوغورسوزلوغو بؤیوک نتیجه‌لره سبب اولا بیلر.

باش وئره‌ن حادثه‌دن هم روسلار، هم ده اسرائیل‌لیلر داها چوخ ممنون گؤرونور.

بیر نئچه گون اول حاکان فیدانین ایرانین خاریجی سیاستی حاقین‌دا دئدیکلری ایندی داها آچیق باشا دوشولور. فیدانین نلری قصد ائتدیی ده تام شکیلده معلوم اولدو.

بو ایسه او دئمکدیر کی، اسلام رسپوبلیکاسی تورکیه‌نین «پنجره‌سینه» داش آتدی. ان آزین‌دان، تورکیه‌لی یتکی‌لیلرین گؤزونده بئله گؤرونه‌جک.

ایران بیرباشا و یا دولایی یوللا تورکییه‌نین یئنی سوریاداکی ماراقلارینا ضربه وورماغا چالیشیر.

سوریاداکی حادثه‌لرین نتیجه‌سینی گؤزله‌مک لازیم‌دیر، چوخ تهلوکه‌لی بیر صحنه حاضرلانیر.

ایرانین حربی و تهلوکه‌سیزلیک ساحه‌سینده قرار قبول ائد‌نلری بؤیوک ریسکی قبول ائدیبلر.

ایرانا قارشی چمبرهر گون دارالیر و ایندی ایرانا قارشی دوشمن‌چی‌لیک سویه‌سینی کسکین شکیلده آرتیرماق نوبه‌سی تورکیه‌نین‌دیر.