اوکراینا-روسییا محاربه‌سی بیتدیکدن سونرا یئنی محاربه‌لر باشلایاجاق.

بو سؤزلری Axar.az-آ آچیقلاماسیندا کلینیکی پسیکولوگ، اکستراسئنس زیرالدین رضایئو دئییب.

اکستراسئنس بیلدیریب کی، اوکراینا ایله باغلی آتشکس دانیشیقلاری داوام ائد‌جک:

«بو ایل اوکراینادا حربی قارشیدورما دایاناجاق. حتی آتشکسین اعلان اولونماسی احتمالی دا وار. ۲۰۲۶-۲۰۲۷-جی ایلده ایسه اوکراینانین طالعی حل اولوناجاق. صلح سازیشی ده باغلانا بیلر.

بوندان علاوه دئییم کی، ایران حاضردا بیرباشا آمریکا و اسرائیلین ماراغیندا اولان ان جدی دوشمن دولتدیر. ۲۰۲۶-جی ایلده اولا بیلسین کی، اورادا دا گرگینلیکلر آرتسین. آنجاق بونون بؤیوک ساواشا یول آچاغی قناعتینده دئییله‌م».

زیرالدین رضایئو علاوه ائدیب کی، بو محاربه بیتدیک‌دن سونرا پست سووئت مکانلاریندا یئنی محاربه باشلایاجاق:

«بلی، ۲۰۲۸ و ۲۰۲۹-جو ایللرده یئنی بؤیوک ساواش باشلایاجاق. بو ساواش یئنه ده آمئریکا و آوروپا اؤلکه‌لرینین ماراغی ایله میدانا چیخاجاق. بو ساواشلار روسییا ایله اولماسا دا، بیرباشا روسییانین ماراقلارینا ضد اولاجاق. او سببدن ده روسییا دا همین ساواشلاردا اشتراک ائد‌جک. غربین یئنی ساواش پلانلاری قازاخستان، مولدووا، پولشا، ارمنستان و دیگر بو کیمی روسییا ایله قونشو اؤلکه‌لرله باغلیدیر. آنجاق بو اؤلکه‌لر ایچریسین‌ده قازاخستان و پولشادا داها چوخ ساواش اولما احتمالی وار.

غربین باشلاتدیغی ساواش قیغیلجیملارینین شرق‌دن قافقازا دوغرو حرکت ائتدیی گؤروره‌م.

یئنه ده خاطیرلادیرام، ۲۰۲۸ و ۲۰۲۹-جو ایللر داها چوخ اؤزو ایله محاربه گتیره‌جک. آنجاق بو، دونیا محاربه‌سی کیمی اولمایاجاق».