اسرائیل، آمریکا و آذربایجان آراسیندا اوچطرفلی استراتژی متفیق‌لیک یاراتماق اوچون دانیشیقلار آپاریلیر.

Axar.az خبر وئریر کی، بو باره‌ده اسرائیل پارلامنتین‌ده (کنست) باش ناظر بنیامین نتانیاهونون کابینت عضوو و میللی میسسییالار ناظری اوریت اشتروک معلومات وئریب.

«اورشلیم پست» یازیر کی، کنست‌ده «اسرائیل و آذربایجان آراسیندا استراتژی متفیق‌لیین محکملندیریلمه‌سی» موضوعسون‌دا مذاکیره‌لر زامانی دپوتات سیمون موشیاشویلی حکومتین باکی ایله علاقه‌لرین داها دا انکشاف ائتدیریلمه‌سی اوچون هانسی آددیملار آتدیغینی سوروشوب.

پارلامنت مذاکیره‌لرینین تشبوثکاری اولان موشیاشویلی آذربایجانلا استراتژی متفیق‌لیین معاصرلشدیریلمه‌سی و بو اؤلکه‌نین ابراهیم سازیشلری چرچیوه‌سینه داخیل ائدیلمه‌سینین ممکونلویو مسئله‌سینی قالدیریب.

دپوتاتین سؤزلرینه گؤره، آذربایجان اوزون مدتدیر کی، اسرائیلین رئگیونال تهلکه‌سیزلیک آرکیتکتوراسینین مهم ائلئمئنتی اولماسینا باخمایاراق، او، آمریکا سانکسییالاریندان اذیت چکمک‌ده داوام ائدیر (صحبت آزادلیق آکتینین بدنام ۹۰۷-جی بؤلمه‌سیندن گئدیر).

اسرئیللی دپوتات آذربایجان‌دا یهودی اجماعسی‌نین اونیکال استاتوسونو دا وورغولایاراق، اونو «نمونه‌وی، فعال، فراوان و خصوصیله بیرلشمیش» و دنیادا یگانه مسلمان اؤلکه‌سینده تام دولت دسته‌یی ایله موجود اولان اجماع آدلاندیریب.

«آذربایجان یگانه مسلمان اؤلکه‌سی‌دیر کی، اسرائیلله علاقه‌لر تکجه حاکم ائلیتا ایله محدودلاشمیر، هم ده گئنیش اهالی آراسیندا درین دستک قازانیب»، - او وورغولاییب.

مللت وکیلی چیخیشین‌دا قید ائدیب کی، ۷ اوکتیابر حادثه‌لرین‌دن سونرا دا آذربایجان مسلمانلاری اسرائیلین باکی‌داکی سفیرلیینه گول دسته‌لری گتیره‌رک، خاطره شاملاری یاندیراراق، اؤز دستکلرینی بیلدیریبلر.

باش ناظر بنیامین نتانیاهونون آدیندان دپوتاتین چیخیشینی جوابلاندیران ناظر اوریت اشتروک دئییب:

«آذربایجان اسرائیلین قافقازدا مهم استراتژی متفیقی‌دیر و بیزیم علاقه‌لریمیز تهلکه‌سیزلیک، تجارت، انرژی و تکنولوژی ساحه‌لرینده امکداشلیغی احاطه ائدیر».

او، «اسرائیل و آذربایجان آراسینداکی مناسبتلرین قارشی‌لیقلی ماراقلارا و چوخ‌ایللیک دوستلوغا اساسلانان اونیکال طرفداشلیق اوزرینده قورولدوغونو» بیلدیریب.

اونون سؤزلرینه گؤره، اسرائیل آذربایجان و آمریکا ایله امکداشلیغی گوجلندیرمک‌ده داوام ائد‌جک و اونو پوزماغا یؤنه‌لمیش ایسته‌نیلن جهده قطعی شکیلده قارشی چیخاجاق.

ناظر اونو دا قید ائدیب کی، اؤلکه‌لر آراسیندا دیالوگ قارشی‌لیقلی سفرلرده، او جمله‌دن اسرائیل پرزیدنتی‌نین آذربایجانا سفری و آذربایجانین میللی تهلکه‌سیزلیک مشاویری‌نین اسرائیله سفرینده اؤزونو گؤستریر.

"بو مناسبتلر اسرائیلین رئگیوندا متفیقلیکلری گوجلن‌دیرمه‌یه و دیگر مسلمان اؤلکه‌لری ایله کؤرپولر قورماغا یؤنه‌لمیش داها گئنیش رئگیونال سیاستینه اویغوندور"، - اشتروک علاوه ائدیب.

اؤز نوبه‌سینده، اسرائیلین باش ناظرلیک اوفیسی بیان ائدیب کی، اؤلکه اسرائیل، آذربایجان و آمریکا آراسیندا گوجلو اوچطرفلی طرفداشلیق قورماق اوچون داواملی دانیشیقلار آپاریر. بو دانیشیقلار هم ده آذربایجانا قارشی تطبیق ائدیلن عدالتسیز سانکسییالارین لغوینه عاییددیر.