ایروان‌دا سفرده اولان ایرانین خارجی ایشلر ناظری عباس عراقچی ارمنستانین باش ناظری نیکول پاشینیانلا گؤروشوب.

Axar.az- خبر وئریر کی، پاشینیان گؤروش زامانی عراقچینین ایروانا سفرینی آلقیشلاییب و اونا اوغورلار آرزولاییب.

باش ناظر ایران رسمیسینه ایکی اؤلکه آراسیندا مناسبتلرین ایکشافینا دستک وئرمه‌سینه گؤره تشکر ائدیب. عراقچی ایران پرزیدنتی مسعود پزشکیانین سلامینی پاشینیانا چاتدیریب. خارجی ایشلر ناظری رئگیون‌داکی سرحدلرین توخونولمازلیغینی بیر داها وورغولاییب.

هم‌صحبتلر ارمنستان و ایران آراسیندا اقتصادی ساحه‌ده، او جمله‌دن انفراستروکتور و انرژی ساحه‌سینده یئنی لاییحه‌لرین حیاتا کئچیریلمه‌سی، او جمله‌دن یوکسک سوییه‌لی ایکیطرفلی سفرلرین تشکیلی‌نین واجیب‌لییندن دانیشیبلار.

گؤروش زامانی ارمنستان و آذربایجان آراسیندا صلح سازشی‌نین امضالانماسی، ائلجه ده قارشیلیقلی ماراق دوغوران دیگر مسئله‌لر اطرافیندا فکر مبادیله‌سی آپاریلیب.

پاشینیان ارمنستانین صلح گونده‌لیی‌نین حیاتا کئچیریلمه‌سینه صادق اولدوغونو دئییب. عراقچی پروسسه ایرانین دسته‌یینی افاده ائدیب.

باش ناظر خارجی ایشلر ناظریندن اونون صمیمی سلاملارینی اسلام انقیلابی‌نین عالی رهبری آیتوللاه سید علی خامنه‌اییه و ایران پرزیدنتی مسعود پزشکیانا چاتدیرماغی خواهش ائدیب.