آمریکادا یئرلشن محاربه تدقیقی انستیتوتونون (ISW) روسییا اوزره آپاریجی اکسپرتی جورج بارروسون حسابلامالارینا گؤره، روسییا اوردوسونون ایتکیلرینین میقیاسیندا کسکین آزالما اولماسا، اوکراینایا قارشی محاربه‌نی ان یاخشی حالدا ۱۲-۱۶ آی داوام ائتدیره بیله‌جک. آنجاق نفتین قیمتینین کسکین اوجوزلاشماسینین بو مدتین داها دا قیسالماسینا سبب اولاجاغینا شبهه اولا بیلمز. «رایففایزن بانک» آنالیتیکلرینین حسابلامالارینا گؤره، نفتین قیمتی ۵۰ دوللار اولسا، روسییا بودجه‌سی ۱.۹ تریلیون روبل، نفتین قیمتی ۴۵ دوللارا دوشرسه، ۳ تریلیون روبل ایتیره‌جک.

Axar.az خبر وئریر کی، بو باره‌ده پولیتولوگ خاقانی جعفرلی بیلدیریب.

اونون سؤزلرینه گؤره، اوکراینایا قارشی محاربه‌ده روسییا اوردوسو شمالی کرده‌ن آلدیغی آرتیللرییا سورساتلاریندان حدسیز درجه‌ده آسیلی وضعیته دوشوب:

«اورتا حسابلا روسییا اوردوسونون طلباتینین یاریسینی شمالی کره تامین ائدیر. لاکین بعضی حربی بیرلشمه‌لرین شمالی کره سورساتیندان آسیلیلیغی ۱۰۰ فایزه چاتیب».

پولیتولوگ وورغولاییب کی، نفتین اوجوزلاشماسی ایران‌داکی رژیمین ده سونو اولاجاق:

«مللا رژیمی نفت‌دن گلن گلیرلر اولمادان نهنگ جزا آپاراتینین ایشله‌کلیینی تامین ائده بیلمز. نفت گلیرلرینین کسکین آزالماسی سوسیال پارتلاییشی دا قاچیلماز ائد‌جک. تهرانین نووه پروگرامی ایله باغلی قیسا زاماندا آنلاشما الده اولونماسا، ایرانا قارشی آمریکا-اسرائیل بیرگه عملیاتی دا گئرچکلشه بیلر.

ایسته‌نیلن حالدا بؤلگه‌میز چوخ بؤیوک دییشیک‌لیکلر مرحله‌سینه قده‌م قویوب. بو پروسس بؤیوک آذربایجان دولتینین قورولماسینین یولونو آچاجاق. آنجاق گونئی آذربایجانا و شمال تورپاقلاریمیزا (دربند) یؤنه‌لیک تورپاق ادعالارینین دا اولدوغونو نظره آلیب، هانسی سورپریز و حتی خیانتلرله اوزلشه بیلجه‌ییمیزی معین ائتمک مجبوریتینده‌ییک. قاراباغین اشغالی زامانی اوزله‌شدییمیز سورپریز و خیانتلرله یئنی‌دن، هم ده داها بؤیوک میقیاس‌دا گونئی آذربایجان‌دا اوزلشه بیلریک.

بونون باش وئرمه‌مه‌سی و یا بئله حاللارا حاضرلیقلی اولماغیمیز اوچون یانلیش تصورلردن آزاد اولماق لازیمدیر. بونا ایسه بیر چوخ حقیقتلرین یازیلماسی، مذاکره اولونماسی ایله نایل اولماق اولار».