سوریا نفت و گاز یاتاقلارینین ایشله‌نمه‌سینده آذربایجاندان کمک ایستییر.

Axar.az خبر وئریر کی، بو باره‌ده خارجی سایتلار معلومات یاییب.

معلوماتلاردا دئییلیر کی، سوریا و آذربایجان پرزیدنتلری اؤتن هفته‌سونو تورکیه‌ده کئچیریله‌ن ایلک گؤروشده باکینین سوریانین نفت و گاز سکتورونون برپاسیندا نئجه رول اوینایا بیلجیینی مذاکره ائدیبلر.

بئله کی، سوریا پرزیدنتی احمد الشارا ایله آنتالیا دیپلماتییا فورومو چرچیوه‌سینده آذربایجانلی همکاری ایلهام علیئوین گؤروشونده‌کی مذاکره‌لردن خبردار اولان منبع بیلدیریب کی، سوریا حکومتی اؤلکه‌نین شمال-غربینده نفت و گاز یاتاقلارینین ایشله‌نمه‌سینه کمک ایستییر.

سوریا حکومتینه یاخین باشقا بیر منبع بیلدیریب: "سوریا هر بیر رگیونال اویوندا ترازلیغی ساخلاماق ایستییر. نفت و گاز یاتاقلارینین استثمارین‌دا هم تورکیه، هم ده آذربایجانین اشتراک ائتمه‌سی اسرائیلله باغلی آرخایینلیق یاراداجاق".

خاطیرلاداق کی، یانوار آییندا سوکار-این تورکیه فیلیالینین باش دیرکتورو ائلچین ایبادوو شرکتین سوریانین انرژی سکتورون‌دا اشتراک ائتمه‌یه حاضر اولدوغونو بیلدیریب. او دئییب: "اگر «سوکار تورکیه»یه اؤلکه‌لریمیزین – آذربایجان و تورکیه‌نین اورتاق استراتژی ماراقلارینا اویغون بیر رول وئریلیرسه و بو انرژییه طلبات وارسا، او زمان بونو یئرینه یئتیرمک بیزیم بورجوموزدور».