بو گون اؤلکه‌ده حاکم اولان یوخسوللوغون، موجود رذالتین و اؤلکه‌نین داغیلماق عرفه‌سینده اولماسی‌نین سببکاری سن‌سن و بونا گؤره ده تعجیلی حاکمیت‌دن ال چک.

Axar.az خبر وئریر کی، بونو حاضردا یزد شهرینین حبسخاناسین‌دا ۱۵ ایللیک حبس جزاسینی چکن آذربایجانلی حکیم، سیاسی محبوس حمید قاراحسنلی ایران رهبری علی خامنه‌اییه عنوانلادیغی آچیق مکتوب‌دا یازیب.

"ظلم اوزرینده قورولان حاکمیت داغیلاجاق، حاکمیتینیزین بو سون گونلرینده توبه ائدین و خالق‌دان عذر ایسته‌یین، باخمایاراق کی، بیر چوخ گوناهلارینیز باغیشلاناسی دئییل"،- سیاسی محبوس قید ائدیب.

او، هر هاسی خارجی گوجون ایرانلیلارا آزادلیق بخش ائتمیه‌جه‌یینی دئییب و خالقی بیرلیک‌ده حرکت ائد‌رک اؤز طالعلرینی حل ائتمه‌یه چاغیریب.

"خارجی قوه‌لر بیزه آزادلیق وئرسه‌لر بئله، اونو ایسته‌دیکلری واخت گئری آلاجاقلار. اونا گؤره ده، یالنیز دینج، کوردیناسیالی و داواملی اعتراض آکسییالاری ایله تاپدالانان حقوقلاریمیزی الده ائتمه‌لییک"،- قاراحسنلی علاوه ائدیب.

قید ائدک کی، ۲۰۲۲-جی ایل نویابرین ۴-ده ۵۴ یاشلی آذربایجانلی رنتگنولوگ حمید قاراحسنلی و حیات یولداشی ۴۶ یاشلی لابوراتور علملری اوزره متخصص فرزانه قاراحسنلی اعتراض آکسییالاریندا اشتراک ائتدیکلری اوچون کرج شهرینده‌کی ائولرینده حبس ائدیلیب. حمید قاراحسنلی سورگون‌ده ۱۵ ایل، فرزانه قاراحسنلی ایسه سورگون‌ده ۵ ایل حبس جزاسینا محکوم ائدیلیبلر.