باکی‌دا کئچیریلن او-۱۵ دنیا چمپیوناتی و فستیوالی سون ۱۲۰ ایلده حیاتا کئچیریلن ان اوغورلو لاییحه‌دیر.

Axar.az خبر وئریر کی، بونو جاننی اینفانتینو پرزیدنتی اولدوغو فیفا-نین مطبوعات خیدمتینه آچیقلاماسیندا دئییب.

او، ۱۸۹ اؤلکه‌نین قاتیلدیغی تورنیرین اونودولماز تجربه اولدوغونو بیلدیریب:

"بوتون ۲۱۱ اؤلکه دعوت اولونموشدو، اونلاردان ۱۸۹-او باکییا گله‌رک یاریشدا اشتراک ائتمک قرارینا گلدی. اونلارین هامیسی اونودولماز آنلار یاشادیلار. فوتبال هر کس اوچون‌دور. بوتون استعدادلار دنیا چمپیوناتین‌دا اوینایا بیلمه‌لی‌دیر. اؤلکه‌نین بؤیوک و یا کیچیک، وارلی و یا کاسیب، اوزاق و یا یاخین اولماسی واجیب دئییل. هر کس بو شانسا لاییق‌دیر"

. عالی فوتبال قورومونون رهبری کوماندالارین عینی شهرجیک‌ده مسکونلاشدیغینی وورغولاییب: "دیل بیلمه‌دن ده انسیت قوردولار. بوتون اشتراک‌چیلار عینی شهرجیک‌ده قالیردیلار. من ده اورادا ایدیم و اونلارلا همصحبت اولدوم. ۱۴-۱۵ یاشلی اوغلانلار اطرافینا سئوینج و سئوگی پایلاییردیلار. بو تجربه‌نی بوتون حیاتلاری بویو اؤزلری ایله داشییاجاقلار. فیفا نقطه-نظرین‌دن سون درجه خوشبختم. دوشونوره‌م کی، بو، سون ۱۲۰ ایلده فیفا-نین گؤردویو ان یاخشی ایشدیر".

قید ائدک کی، باکی‌دا تشکیل اولونان فیفا او-۱۵ دنیا چمپیوناتی و فستیوالینین فینالیندا اسپانییا چکی ۳:۰ حسابی ایله اوسته‌له‌یه‌رک تورنیرین غالبی اولوب.