پرزیدنتیمیزین چین سفرین‌دن سونرا بیر نئچه اساس مسئله اؤنه چیخاجاق. بونونلا دا باغلی چوخ پرودوکتیو و مثبت دانیشیقلارین اولدوغو باره‌ده خبرلر وار، حتی گؤروشلر کئچیلیرلیر، سندلر امضالانیر.

بو سؤزلری Axar.az-آ آچیقلاماسین‌دا اقتصادچی اکسپرت ناطق جعفرلی آذربایجان لیدری ایلهام علیئوین چینه یوکسک سویه‌لی سفری حاق‌دا دانیشارکه‌ن دئییب.

اکسپرت بیلدیریب کی، آذربایجان و چین آراسین‌دا مناسبتلر سون اون ایلدیر کی، آرتان تمپله انکشاف ائدیر:

«چین دنیانین ایکینجی ان بؤیوک اقتصادیاتی، همچینین بیر نمره‌لی اخراجاتچی‌سی‌دیر. چین آذربایجانین خاریجی تجارتین‌ده ایلک اوچلوک‌ده یئر آلیر. بیز چین‌دن داها چوخ ادخال ائدیریک، نینکی مال ساتیریق.

گله‌جکده اؤن پلانا چیخاجاق مسئله‌لره گلدیکده: بیرینجی، آذربایجان محصوللارینین چین بازارلارینا چیخیش امکانلارینی آراشدیرماق لازیمدیر.

ایکینجی‌سی، نقلیات دهلیزیدیر. آذربایجان اورتا دهلیزین ان واجب حالقالاردان بیریدیر و بیز جغرافی موقعیمیزی اقتصادی اوستونلویه چئویره بیلریک. چونکی چین آوروپایا ان چوخ محصول ادخال ائد‌ن اؤلکه‌دیر و بونون آذربایجان اوزریندن کئچمه‌سی اؤلکه‌میزه کفایت قدر اؤنملی دیویتنتلر گتیره بیلر.

اوچونجو مسئله اینوستی‌سیادیر. چونکی چین شیرکتلری سون زمانلار دنیادا ان بؤیوک اینوستیسیا قویان شیرکتلر سیراسیندادیر. آذربایجانین دا جغرافی موقعینی و اقتصادی پوتنسیالینی نظره آلساق، چین شیرکتلرینی ماراقلاندیرماق اولار کی، آذربایجانا داها چوخ یاتیریم اتسینلر. آنجاق هدفلریمیزدن بیری طبیعی کی، آذربایجان محصوللارینین چینه اخراجاتینی آرتیریلماسی اولمالیدیر».