بو گون یئرلی واختلا سحر ساعت ۰۹:۳۰ راده‌لرین‌ده تهران‌دا اوین حبسخاناسی‌نین قارشی‌سیندا اوتوراق آکسییا کئچیره‌ن بیر نئچه ملی فعال حبس ائدیلیب.

Axar.az خبر وئریر کی، بونونلا باغلی یئرلی منبع‌لر معلومات یاییب.

معلوماتا گؤره، تهلوکه‌سیزلیک مأمورلاری عباس لیسانی، علی خیرجو، یوسف دشتی و بهزاد خیرجونونو ساخلایاراق نامعلوم یئره آپاریبلار.

آدی چکیلن فعاللار اوین حبسخاناسیندا آجلیق آکسییاسی کئچیره‌ن ودود اسدی و طاهر نقوی‌نین عائله‌لرینین اونلارین آزادلیغا بوراخیلماسی طلبی ایله کئچیردیکلری اوتوراق آکسییایا دستک وئردیکلرینه گؤره حبس ائدیلیبلر.

قید ائدک کی، طاهر نقوی و ودود اسدی ایکی هفته‌دن چوخدور باره‌لرینده چیخاریلان عدالت‌سیز حکمه و طبی خدمت‌دن محروم ائدیلمه‌لرینه اعتراض اولاراق آجلیق آکسییاسی کئچیریرلر.

آدی چکیلن محبوسلار ۲۰۲۴-جو ایلین فورال آییندا حبس اولونوبلار.

اونلارا "ملی تهلوکه‌سیزلییه قارشی البیر اولماق"، "حکومته قارشی تبلیغات". "رهبری تحقیر ائتمک" و "جاسوسلوق" اتهاملارینا گؤره اوزون ایللیک حبس جزالاری وئریلیب.