چین اهالی‌سی داها سرعتله قوجالیر. ۲۰۲۵-جی ایلده یاش‌لیلارین امک قابیلیت‌لی اهالیه نسبتی ایلک دفعه اولاراق اوشاقلارین امک قابیلیتلی اهالیه نسبتینی کئچیب. عینی زمان‌دا، عمومی اهالی آردیجیل دؤردونجو ایلدیر کی، آزالیب.

Axar.az خبر وئریر کی، بو باره‌ده چین ملی ایستاتیستیکا بوروسونون دولت مئدیا اورگانی ییجای معلومات وئریب

معلوماتا گؤره، یاشلیلارین آسیلی‌لیق نسبتی ۲۰۲۵-جی ایلده ۲۳،۱ فایزه چاتیب. بونون عکسینه اولاراق، اوشاقلاردان آسیلی‌لیق نسبتی ۲۲ فایز اولوب.
چین‌ده ۶۵ و داها یوخاری یاشدا اولان انسانلارین سایی ۲۲۳ میلیونو کئچیب، اؤلکه‌ده ایسه ۱۴ یاش و داها آشاغی یاشدا تخمیناً ۲۱۳ میلیون اوشاق وار.
اؤلکه اهالیسی آرتیق آردیجیل اوچونجو ایلدیر کی ، آزالیر و بو تنن‌سیا ایشچی قوه‌سینین آزالماسی و پنسیا و یاشلیلارا قوللوق خرجلرینین آرتماسی ایله باغلی ناراحاتلیقلاری آرتیریب.

۱۹۸۰-جی ایلده‌ن ۲۰۱۵-جی ایله قدر تطبیق ائدیلن تک اوشاق سیاستی، سرعتلی شهرلشمه ایله یاناشی، بو تندنسیانی دا گوجلندیریب. شهرلرده ائولیلیک، منزیل و اوشاق بؤیوتمک خرجلری یوکسکدیر و بو تضییقلر عائله‌لرین اوشاق صاحبی اولماق قرارینی داها دا چتینلشدیره بیلر.

بو تندنسیانین داوام ائتمه‌سی امک تکلیفینی محدودلاشدیرا و پنسیا سیستمینه و صحیه خدمتلرینه داها بؤیوک یوک یارادا بیلر.

ائولی‌لییی و اوشاق دنیایا گتیرمیی تشویق ائتمک اوچون چین حکومتی عائله معاوینتلرینی و اوشاق باخیمی دستیینی گئنیشلندیریب و دوغوشلا باغلی طبی خرجلری آزالدیب.

رسمیلر همچینین شهر موحیطینی گنجلر و عائله‌لر اوچون داها اویغون حالا گتیره‌جکلرینه سؤز وئریبلر.

بو تدبیرلر چین‌ده دوغوم نیسبتینین آزالماغا داوام ائتمه‌سی ایله علاقه‌داردیر. بو تندنسیانین گئری دؤنوشو تکجه سیاست ایستیموللاری ایله باغلی دئییل، هم ده یاشاییش خرجلری، منزیل و عائله‌لرین اقتصادی پرسپکتیولری کیمی عامللردن آسیلیدیر.