آمریکا و اسرائیلین ایرانا قارشی تضییقلرینین آرتماسی فونوندا تهرانا باغلی عراق‌داکی شیعه سلاحلی‌لار رگیونال (منطقه‌ای) قارشی‌دورمالارین مرکزینده یئر آلیر.

Axar.az خبر وئریر کی، بو باره‌ده عرب-ایران سیاست فورومونون تحلیلین‌ده بیلدیریلیب.

قید اولونور کی، ایشید-ا قارشی مبارزه آپارماق اوچون عراق‌دا تشکیل اولونان حربی دسته‌لر اسرائیل طرفین‌دن جواب ضربه‌سی ائندیریلمه‌سی حالین‌دا رگیونال محاربه قاچیلماز اولاجاق. اسرائیل سوریادان سونرا عراق‌دا دا قارشی‌دورمالاری تورکیه سرحدینه قدر داشییاراق خاوس یارادا بیلر:

«آمریکا و ایران آراسیندا دانیشیقلار داوام ائدرکن، اسرائیل‌دن یاییلان خبرلر تل-اویو رهبرلیینین یاخین زمان‌دا تهرانین نووه اوبیکتلرینه قارشی حربی عملیاتا باشلایا بیله‌جه‌یینی گؤستریر. اسرائیل ایله ایران آراسیندا قارشی‌دورما احتمالی هر کئچه‌ن گون آرتیر، دیپلماتیک آرئنادا ایسه ایرانین نووه پروگرامینی تمامیله دایاندیرماسینین ممکن اولمادیغی مذاکره اولونور. آمریکا پرزیدنتی دونالد ترامپ دا سون گونلرده ایرانین نووه پروگرامینی دایاندیرماقدان امتنا ائتمه‌سی حالین‌دا اسرائیلین حربی مداخله‌سینین قاچیلماز اولدوغونو آچیقلامیشدی. لاکین اسرائیل-آمریکانین ایرانا مداخله‌سیندن اؤنجه هدفه آلینان باشقا بیر گوج ده وار. ایرانین سون ۱۱ ایلده دستک وئردیی عراق‌لی شیعه یاریم حربی قوه – خالق سفربرلیک گوجلری – عراقی دا محاربه طرفلری سیراسینا داخیل ائده بیلر.

بو موضوع ایله باغلی ایلک تحلیل واشینگتن اینستیتوتوندا درج اولونوب. تحلیل‌ده خالق سفربرلیک گوجلرینین آمریکا طرفیندن «ترورچو تشکیلات» کیمی تانیندیغی قید اولونور و بغدادین بو قورومون «دایمی تهلوکه‌سیزلیک قوه‌سی» کیمی تانیناجاغی حقوقی بیر چرچیوه حاضرلیغیندا اولدوغو بیلدیریلیر».

آنالیزده قید اولونور کی، بو قانونون قبول اولونماسی حالین‌دا ایرانین اسلام انقلابی کشیکچیلری کورپوسونا (سپاه) برابر بیر گوج عراقین تهلوکه‌سیزلیک سکتورونون مرکزینه یئرلشه‌جک.