خالق آرخام‌دا دورماسایدی، اگر محاربه دورونده هر هانسی بیر ترددود حس اولونسایدی، یاخود دا کی، جمعیتده هر هانسی بیر فکر آیریلیغی اولسایدی، بو غلبه‌نی بئله شرایطده، بئله آغیر وضعیتده قازانماق ممکون اولمازدی.

Axar.az خبر وئریر کی، بونو آذربایجان پرزیدنتی ایلهام علیئو آغدام رایونونون کنگرلی کندینه کؤچه‌ن ساکنلرله صحبتی زمانی دئییب.

ایلهام علیئو فکرلرینی سسلندیردیی زمان کؤورلیب:

"شهیدلر دفن اولونوردو، شهیدلرین آنالاری، آتالاری، یاخینلاری دئییردیلر کی، دایانما. بیلیرسینیز، بو ندیر؟! خالقیمیز بؤیوک خالقدیر. بیز حاقلی اولاراق خالقیمیزلا فخر ائدیریک، سیزینله فخر ائدیریک. اوتوز ایل عذاب-اذیت ایچینده - چادیردا، ایستیده، سویوق‌دا، واگونون آلتیندا، یاتاقخانادا، اوشاق باغچاسین‌دا یاشامیسینیز، اما اینامینیزی، اراده‌نیزی ایتیرمه‌میسینیز، بئله اوغوللار یئتیشدیرمیسینیز. اونلار باکی‌دا، برده‌ده، سومقاییتدا یاشاییبلار، بو بؤلگه‌لری هئچ واخت گؤرمه‌ییبلر، اما گلیبلر. چونکی تورپاق چکیر. اونلاردا وطنپرورلیک حسینی سیزین کیمی آنالار، معلملر، مکتب و عائله فورمالاشدیریب. بیزی ساخلایان بیزیم دیلیمیز، ادبیاتیمیز، مدنیتیمیز و گنج نسل یئتیشدیرن عائله و مکتب اولوب".