تهران «بالانس» سیاستینه صادقدیر. ایران آذربایجانلا بیرگه اشغال‌دان آزاد اولونان اراضی‌ده «آراز-۲۰۲۵» بیرگه حربی تعلیملری کئچیررکن، بو اؤلکه‌نین مدافعه ناظری عزیز نصیرزاده تعجیلی ایروانا گئدیب و اورادا ارمنستانین مدافعه ناظری سورن پاپیکیانلا گؤروشده بیلدیریب کی، ایران-ارمنستان سرحدی ایکی خالقین تاریخی اونسیت یولودور و تهرانین بو سرحده هر هانسی تجاوزه گؤز یومماسی ممکن دئییل.

Axar.az خبر وئریر کی، بو سؤزلری پولیتولوگ الخان شاهین‌اوغلو بیلدیریب.

«گؤرونور، ایرانین مدافعه ناظری اؤلکه‌سینین آذربایجانلا بیرگه حربی تعلیملرین ارمنستانا قارشی یؤنلمدیینی واخت ایتیرمه‌دن ایروانا یئرینده‌جه ایضاح ائتمک ایسته‌ییب. نصیرزاده ایروان‌دا بونو دئییب: «ایرانین اساس سیاستی بوتون قونشولارلا، خصوصیله ده ارمنستانلا مناسبتلری گوجلندیرمکدیر و بو یول‌دا هئچ بیر مانعه بیزی دایاندیرا بیلمز».

سیزی دایاندیرانمی وار؟ آذربایجانی دا تهلوکه‌سیزلیک ماراقلارینین تعمین اولونماسین‌دا دایاندیران یوخدور»، - پولیتولوگ وورغولاییب.