ارمنی سوسیال شبکه‌لرین‌ده و مئدیاسیندا بوتون قافقازین شیخی آللاه شوکور پاشازاده‌یه قارشی آشاغیلاییجی توندا کامپانییا باشلاییب.

Axar.az خبر وئریر کی، بونا سبب قافقاز مسلمانلاری اداره‌سینین قاضیلار شوراسینین قراری ایله بختیار نجفووون ایروان قاضی‌سی تعیین ائدیلمه‌سی‌دیر.

ارمنی اکسپرتلر خصوصیله دینی لیدرین بئله بیر قرارینین مسلمان اؤلکه‌لری آراسیندا دستکله‌نمه‌سیندن جدی ناراحاتلیق کئچیریرلر.

ایران‌شناس، آذربایجانا قارشی نفرتی ایله سئچیلن واردان ووسکانیان بونا قارشی تبلیغاتین‌دا قافقاز مسلمانلاری اداره‌سینین رهبری شیخ الاسلام آللاه شوکور پاشازادنین «ایران و یا عراقین نفوذلو آیت‌الله‌لاری ایله قطعیا مقایسه اولونمادیغینی» ادعا ائدیب.

قافقاز مسلمانلاری اداره‌سینی «استالینین یاراتدیغی آنتی‌شیعه استروکتور» آدلاندیران ووسکانیان آللاه شوکور پاشازادنین ایروانا قاضی تعیین ائتمه‌سینی «غیری-قانونی» ساییب.