ایرانا هجوم فونون‌دا ۳-جو دنیا محاربه‌سینین باشلاناجاغی حاق‌دا فکرلر ایر‌لی سورولسه ده، بونون اولماسی احتمالی ضعیف‌دیر. دنیا محاربه‌سینین باش وئرمه‌سی اوچون اتفاق اؤلکه‌لرینین اوز-اوزه دایانماسی لازیم‌دیر. کی، بو محاربه‌ده آمریکا-اسرائیل جبهه‌سی قارشی‌سیندا رژیم‌دن ساوایی هئچ بیر قوه دایانمیر، حتی ایران داخیلین‌ده بئله مونولیت مؤقع یوخدور.

- روسیا اوچون ایرانین هدف سئچیلمه‌سی هم بوتون دقتین آپاردیغی محاربه‌دن یایینماسی، هم ده اوکراینا مسئله‌سین‌ده بازارلیق امکانلارینین آرتماسی باخیمین‌دان صرفه‌لیدیر؛

- چین اؤزونون اشتراک ائتمدیی هئچ بیر مناقشه‌یه پراکتیکی اولاراق قوشولماق نیتینده دئییل، خصوصیله اقتصادی پلانلاری فونوندا. ایران محاربه‌سی پئکین اوچون ایکی شانس دا یارادا بیلر:

۱. آمریکانین رسورسلارینی بورا یؤنلتمه‌سی نتیجه‌سینده چینین اطرافین‌دا معین ساکیتلیک یارانیر؛

۲. ایران آمریکا اوچون اوزون مدت‌لی پروبلمه چئوریله بیلر.

- ایرانا هجومو گئوسیاسی ماراقلارینا اویغون حساب ائتمه‌یه‌ن آوروپا ضعیف موقعی ایله پروسسلرین انکشافینی دییشدیره بیلمه‌یه‌جیی اوچون آمریکانین موقعی اطرافین‌دا قرارلاشیب؛

- پاکستان ایرانا هجومو پیسله‌سه ده، «اسرائیله نووه ضربه‌سی ائندیره بیله‌جه‌یی» ادعالارینی تکزیب ائدیب: اسلامابادین تهرانا دستیی ریتوریک موستویده‌دیر؛

- کؤرفز اؤلکه‌لری رگیوندا پروکسی قوه‌لری بسله‌یه‌ن ایرانین دوشدویو وضعیت‌دن ممنوندور، بو هم ده اسلام دنیاسین‌دا لیدرلیک عاملی باخیمیندان اونلارا صرفه‌لی گؤرونور؛

- رگیوندا حل ائدیجی اویونچو اولان تورکیه هم ناتو عضوو کیمی، هم ده رگیونال ماراقلاری فونوندا محاربه‌یه مداخله ائتمک نیتینده دئییل، بئله بیر پرسپکتیوین یارانماسی احتمالی دا گؤرونمور. آنکارا پروبلمین ماسادا حل ائدیلمه‌سی ایدئیاسینین لوکوموتیوی رولوندا چیخیش ائدیر.

موجود منظره‌ده ایران رژیمی تکلنمیش وضعیتده‌دیر. ایران جبهه‌سینده یئر آلا بیله‌جک قوه‌لر یالنیز جدی شکیلده ضعیفله‌یه‌ن پروکسی قوه‌لر اولاجاق، عینی زمان‌دا، تهران «شیعه اوخو» آدلاندیردیغی جغرافیایا معین امیدلر بسلییر. هرچند، بو جغرافیادا دا آرتیق ایرانا آرخا چئویره‌نلر وار. مقتدا صدرین «عراق ایران-اسرائیل محاربه‌سینه قاریشمامالیدیر» آچیقلاماسی خصوصیله دقت چکیر.

ایرانین هدف سئچیلمه‌سی بوتون رگیونال و گئوسیاسی اویونچولار اوچون بو و یا دیگر فورمادا صرفه‌لی گؤرونور.