ارمنستانین باش ناظری نیکول پاشینیان اؤتن گون تورکیه‌یه سفری زامانی بو اؤلکه‌ده یاشایان ارمنی اصیللی شخصلرله گؤروشون‌ده بیر سیرا سئواللاری جوابلاندیریب.

Axar.az خبر وئریر کی، ارمنی اصیللی شخصلر آذربایجان و تورکیه‌نین «توران» ایدیاسینا دسته‌یی، او جمله‌دن بو استقامت‌ده زنگزور دهلیزینین آچیلماسی ایسته‌ییندن سؤز آچیبلار.

پاشینیانین اونلارا جوابی ایسه بؤیوک ماراقلا قارشیلانیب:

«ارمنستان ماگسترال‌دا حرکت ائدرکن اتوموبیللرین آلتیندا قالان، داها سونرا آیاغا قالخان، لاکین تکرار ییخیلان اوبیئکت کیمی‌دیر. نیه ییخیلدیغیمیزی آنلامیریق، لاکین بونو باشا دوشمه‌لیییک. دنیانین انکشاف ائتمیش هئچ بیر اؤلکه‌سینین قونشولاری ایله سرحدلری باغلی دئییل. ایندی هامینی بیر مسئله دوشوندورور: «توران بیرلییی». اونلارین مقصدی بودور. ارمنستان اراضی‌سیندن کئچمکله بیر-بیریلری آراسیندا حرکت ائتمک ایسته‌ییرلر؟ قوی، اولسون. بونون نه‌یی پیس‌دیر؟ اونلار شرق‌دن غربه، شمال‌دان جنوبه گئتمک ایسته‌ییرلر؟ بیز راضیییق، نه پروبلئم وار؟ نیه گئتمه‌سینلر؟ بئله‌لیکله، بیزیم ده سرحدلریمیز آچیلسین».