آمریکا پرزیدنتی دونالد ترامپ نوبتی دفعه دنیانی آلداتماغا چالیشدی، آغ ائو صاحبی بیر نئچه گون اول سؤیله‌میشدی کی، ایرانا قارشی محاربه‌یه قوشولوب-قوشولمایاجاغینا ایکی هفته عرضینده قرار وئرجک. بونا باخمایاراق، بین‌الخالق عالم ترامپین ایکی هفته گؤزله‌میجییندن شبهه‌لی ایدی. چونکی ترامپ مختلف موضولاردا بیر سؤز دئییب، بیر نئچه گون سونرا فرقلی قرارلار وئریب. بو دفعه ده بئله اولدو.

Axar.az خبر وئریر کی. بو سؤزلری پولیتولوق ائلخان شاهین‌اوغلو آمریکا-نین ایرانین نووه اوبیکتلرینه ضربه ائندیرمه‌سی حاق‌دا قید ائدیب.

«اسرائیلله آمریکا ایرانا قارشی محاربه پلانینی بیر یئرده حاضرلاییبلار. ایران‌داکی دایره‌لر سون آنا قدر نووه موضوسیلا باغلی واشینگتنون دانیشیقلاردا ماراقلی اولدوغونو دوشونوردولر. حالبوکی آرتیق دویمه‌یه باسیلمیشدی. خاطیرلاییرسینیزسا، آمریکا مطبوعاتی هفته‌لر اؤنجه بئله بیر خبر یایمیشدی کی، گویا ترامپلا اسرائیلین باش ناظری بنیامین نتانیاهونون آراسی دییب و گویا آمریکا پرزیدنتینین عرب دولتلرینه سفری و اورادا امضالادیغی سازشلر تل-اویوده نگاتیو قارشیلانیب. بو خبرلر ایران‌داکی دایره‌لرین دقتینی یاییندیرماق اوچون یاییلمیشدی. ایران‌دا دوشونمه‌لیدیلر کی، اگر ترامپلا نتانیاهونون آراسی دییبسه، تل-اویو واشینگتنون اجازه‌سی اولمادان ایرانا ضربه ائندیرمه‌یه‌جک.

بو، واشینگتنلا تل-اویوین پلانینین پسیخولوژی حصه‌سی ایدی. حاضرلانان پلانا گؤره، اسرائیل بیرینجی باشلامالی، بیر نئچه گون سونرا آمریکا قوشولمالی ایدی. حاضردا بو پلان تام گوجویله حیاتا کئچیریلیر و آمریکا یالنیز نووه مرکزلرینی بمبالاماقلا کفایتله‌نمه‌یه‌جک»، - پولیتولوق وورغولاییب.

شاهین‌اوغلونون فکرینجه، تهران آمریکا-نین ضربه‌لرینه نسه جواب وئرمه‌لیدیر، عکس حال‌دا ایران‌دا قرار وئرنلرین ایمیجینه نوبتی آغیر ضربه دیه‌جک:

«تهرانین جوابی نئجه اولاجاق؟ ایران آمریکا-نین کؤرفز اؤلکه‌لرینده‌کی حربی بازالارینا راکت ضربه‌سی وورماق ایسته‌یه بیلر. آمریکا-نین سعودیه عربیستانی، کویت، قطر، بیرلشمیش عرب امیرلیکلری، بحرین و عراق‌دا بؤیوکلو-کیچیکلی بیر نئچه حربی بازاسی وار. بو سیرایا تورکیه‌ده‌کی اینجیرلیک حربی بازاسینی دا داخل ائتمک لازم‌دیر. یعنی ایران فاکتیکی آمریکا حربی بازالارینین احاطه‌سینده‌دیر. اگر ایران قونشو اؤلکه‌لردن هر هانسی بیرینده‌کی آمریکا حربی بازاسینا ضربه وورارسا، بو، ایران اوچون ایکی نگاتیو نتیجه‌یه سبب اولاجاق. بیرینجی‌سی، آمرکیا تام گوجویله ایرانی بمبالاماغا باشلایاجاق. ایکینجی‌سی، ایران همین بازالارین یئرلشدیی اؤلکه‌لرله مناسبتلری ضعیفله‌ده‌جک کی، ایندیکی مقام‌دا بو، ایرانین دورومونو داها دا آغیرلاشدیراجاق.

باشقا بیر آددیم کیمی حاقین‌دا چوخ دانیشیلان ایرانین هرمز کؤرفزینی باغلاماسی اولا بیلر کی، بونون دا ایرانین اؤزونه جدی منفی نتیجه‌لری اولاجاق. بیرینجی‌سی، ایران دوست آدلاندیردیغی اؤلکه‌لره نفت ساتا بیلمه‌یه‌جک. ایران اقتصادیاتی ایسه تماما انرژی رسورسلارینین ساتیشین‌دان آسیلی‌دیر. ایکینجی‌سی، هرمز بوغازی قاپادیلارسا، ایرانلا نرمال مناسبتلری اولان کؤرفز اؤلکه‌لرینین بیر قسمی ده نفت ساتیشین‌دا چتنلیکلرله اوزلشه‌جکلر. یعنی ایران آمریکا-یا قارشی هانسی جواب تدبیرینی رئاللاشدیرماغا چالیشارسا، بونون هم بؤلگه اؤلکه‌لرینه، هم ده ایرانین اؤزو اوچون ایندیکیندن آغیر نتیجه‌لری اولاجاق».