ایرانین دولت تلویزیالاریندان بیرینده «بین‌الخالق مسئله‌لر اوزره اکسپرت» کیمی چیخیش ائد‌ن خوشچشم آدلی شخص ایرانین آذربایجانا قارشی بیر سیرا حربی هجوملار حیاتا کئچیرمه‌لی اولدوغونو ادعا ائدیب.

Axar.az خبر وئریر کی، بو باره‌ده حقوق مدافعه‌چی‌سی آذر حسرت پایلاشیم ائدیب.

او، گویا آذربایجانین هوا مکانینی اسرائیل دؤیوش طیاره‌لرینه آچدیغینی و بو طیاره‌لرین تبریزی بمبالاماق مقصدیله همین هوا دهلیزیندن استفاده ائتدیی ایر‌لی سوروب.

او، بونونلا کفایتله‌نمه‌یه‌رک، ایرانین دیگر قونشو اؤلکه‌لرینه ده هجوم ائتمه‌سینی توصیه ائدیب.

«اکسپرت» همچینین بصره کؤرفزی حوضه‌سینده یئرلشن عرب اؤلکه‌لری ایله آذربایجانین نفت اوبیکتلرینین هدف آلینماسینی تکلیف ائدیب. اونون بو فکرلری گونئی آذربایجانلی سوسیال شبکه استفاده‌چیلری طرفیندن جدی ناراضی‌لیقلا قارشیلانیب و سوسیال شبکه‌لرده گئنیش اعتراض و مذاکره دوغوروب.

ایران دولت مئدیاسیندا فکر مختلفلیینه یئر وئریلمدیی حال‌دا بو جور چاغیریشلارا یئر آیریلماسی رسمی دایره‌لرده موجود اولان آذربایجان دوشمن‌چی‌لیینین بیر افاده‌سی کیمی قیمتلندیریلیر»، - حسرت بیلدیریب.

قید ائدک کی، اسرائیل پوا-لاری ایرانین اؤزوندن هوایا قالخسا، موساد-ین ایران‌دا گئنیش جاسوس شبکه‌سی اولدوغونو تهران اؤزو اعتراف ائدیب، جاسوسلاری و پوا سخلرینی آشکارلادیغینی بیلدیرسه ده، هئچ بیر ثبوت-دلیل اولمادان «ایران‌لی اکسپرتلر» آذربایجانی اتهام ائتمکدن ال چکمیرلر.

حالبوکی آذربایجان اراضی‌سیندن و سماسین‌دان قونشو اؤلکه‌لره قارشی استفاده ائدیلمدیی و هئچ واخت بئله بیر حال یاشانمایاجاغینی آذربایجان ان یوکسک سویه‌ده دفعه‌لرله دئییب و عملی ایله ثبوت ائدیب!