۲۳ ایون آخشام ساعتلاریندا ایرانین آمریکانین ضربه‌لرینه قارشی حرکته کئچمه‌سی و آمریکانین یاخین شرقده‌کی حربی بازالارینا هجوم ائتمه‌سینین درحال آردیندان اسرائیل و آمریکانین آتشکس ایسته‌مه‌سی تصادفی دئییل؛ داها دوغروسو، ایرانین دونه‌ن آخشاما دوغرو ائندیردیی ضربه‌لر آمریکا و اسرائیلی آتشی دایاندیرماق اوچون تهرانا یالوارماغا وادار ائتدی.

ایش نتهر اولدو؟

دئمه‌لی، آمریکا ب-۲-لری هوایا قالخیر، ۱۰ مین کیلومتر یول گلیر، تخمیناً ۱۸ ساعتا قدر واخت گئدیر و ایران‌دا ۳ نووه اوبیکتینه آغیر بونکرداغیدان بومبالار توللاییر، تهران پروسس‌دن خبر توتانا قدر بمباردمان‌چی طیاره‌لر و اونلاری قورویان قیریجیلار ایران سماسینی ترک ائدیر.

گؤرون، بو آمریکا نئجه قورخاق‌دیر – کیشی کیمی اوزه چیخمیر، «گلدیم» دئمیر، گیزلنه-گیزلنه، آلدادا-آلدادا گلیب وورور.

هله ترامپا باخ – «ایکی هفته مدتینده ایرانا ضربه ائندیریب-ائندیرمه‌مک باره‌ده قرار وئره‌جه‌یه‌م» دئییب، آدام آلدادیر، همین گئجه هجوما کئچیر!

یاخود ب-۲-لرین هیند اوکیانینا گؤندریلدیی حاق‌دا اویدورما یاییب، ایرانا گلدیینی اؤرت-باسدیر ائدیرلر!

بو، کیشی‌لیکدندیرمی؟

آنجاق بونا جواب وئره‌ن ایرانین اخلاقی گؤز یاشاردیر: تهران بو خلوتی، خبرسیز، قفیل هجومون کیشی‌لییه سیغمادیغینی آمریکایا بیر داها باشا سالدی، رسما اعلان ائتدی کی، قطرده، بحرین‌ده، عراق‌دا و کویت‌ده یئرلشن بازالارینا یاخین ۱-۲ ساعتدا هجوم ائد‌جه‌م.

تهران قطره ده زنگ ائدیب، ضربه ائندیرجیی حاق‌دا اولجه‌دن «معلوماتلاندیرما ائتمیی» ده اونوتمامیشدی.

و هجوم‌دان اول قطر حاضرلیقلارا باشلادی، هوا مکانینی باغلادی، آمریکا ایسه عدیده بازاسینداکی طیاره‌لری کؤچوردو، بازانی بوشالدیب، هجومو گؤزله‌دی...

و بودور، «اولجه‌دن اعلان ائدیلمیش دوغرو-دوزگون وعد» عملیاتی ایله ایران هجوما کئچیر، ۴ اؤلکه‌یه راکتلر یاغدیردیغینی بیلدیریر.

هجوم‌دان سونرا قطر ۷ بالستیک راکت آتیلدیغینی، هامیسینین دا سمادا وورولدوغونو اعلان ائدیر و گؤرونتولرینی یاییر. کویت، عراق و بحرین ایسه عمومیتله آتیلان راکتلری هله ده آختاریرلار – گؤردوم دئیه‌ن یوخدور!

ایرانین بو لیاقتلی، ویجدانلی و مرد، کیشی‌یانا، داورانیشی ترامپی بئله اوتاندیردی و ترامپ ایرانا آمریکا بازالارینا ائندیردیی ضربه‌لره گؤره تشکر ائتدی...

بو جور لیاقت، وجدان، ار داورانیشی اسرائیلی ده یالوارماغا مجبور ائتدی. ایران ایسه البته کی، بو یالواریش و گؤز یاشلارینی قبول ائتدی.

او کی قالدی آتشکس راضیلاشماسین‌دان بیر ساعت سونرا ایران‌دان اسرائیله بیر راکت آتیلماسینا، بونو تهرانین وئردیی سؤزه خلاف چیخماسی کیمی یوزماق دوشمنین و صهیونیستلره قول اولانلارین ایشی‌دیر. مسئله بون‌دادیر کی، راکتین ۲ ساعت اول فیتیلی یاندیریلیبمیش، آتشکس راضیلاشماسی الده اولوناندان سونرا ایسه فیتیلی سؤندورمک یاددان چیخیب و بیر راکت اسرائیله دوغرو اوچوب – بو باره‌ده ده ایران دوشمنلرینی معلوماتلاندیرمامیش اولماز!

بئله‌لیکله، ۱۲ گونلوک ساواشین نتیجه‌سی ندیر؟

دونیادا هئچ بیر اؤلکه‌نین پرزیدنتی محاربه آپاردیغی و یاخود دارماداغین ائتدیی اؤلکه‌نین جواب ضربه‌لرینه گؤره دوشمه‌ن طرفه تشکر ائتمز، ائتمه‌ییب، اولماییب بئله بیر شی تاریخ‌ده!

اما ترامپ ایرانا تشکر ائتدی!

بو، سیرادان حادثه دئییل – تاریخه دوش‌دو و بونو تاریخه سالان ایران‌دیر!

نئجه دئیرلر، شیر ائله همن شیردیر – قویروغو دا یئرین‌ده...