ایران-اسرائیل محاربه‌سینده ترامپین تاکیدی ایله الده اولونان آتشکس اطرافیندا آچیق قالان مقاملار چوخدور:

- آتشکس هان‌سی شرطلرله قبول اولونوب، دانیشیقلار اوچون شرایطین یارادیلماسی، یوخسا اوزون مدت‌لی مقصد داشیییر؟ - معمالی‌دیر.

- آمریکا و اسرائیل ایران‌دا هدفلرینه نه قدر نایل اولدولار؟ – مباحثه‌لی‌دیر.

- ایرانین نووه پروگرامی ایله باغلی دانیشیقلار اولاجاقمی، بو، هانسی شرطلرله آپاریلا بیلر؟ - غیری-معین‌دیر.

آتشکسین ترامپین ایستیی ایله مجبوری شکیلده اولدوغو گؤرونسه ده، بونو ایران اوچون «بؤیوک یاخشیلیق» کیمی قیمتلندیرمک اولار، آغیر مغلوبیته رغماً رژیم اؤزونو قورویا بیلدی، حتی آمریکایا قارشی محاربه ماجراسیندا دیره‌نه بیله‌جه‌یینی نمایش ائتدیرمکله «غلبه» تبلیغاتی اوچون جدی اساسلار دا قازاندی. اسرائیل یکون هدفلرینه نایل اولماسا دا، ایرانین نووه و حربی پوتنسیالینی اوزون پرسپکتیوده ضعیفله‌ده بیلدی، عینی زمان‌دا، آمریکانی محاربه‌یه جلب ائتمکله تهلوکه‌سیزلیک قالخانینی گوجلندیردی. ترامپ ایرانا هجوملا آتا بیلجیی آددیملارین و اسرائیله دستیینین ریتوریکادان عبارت اولمادیغینی گؤستردی. و محاربه‌نین آرئالی گئنیشله‌نمه‌دن آتشکسله قیسا مدت‌ده اوغورلو نتیجه الده ائتدیینی سرگیله‌دی.

ایران‌دا اساس هدفه - نووه پوتنسیالینین تام محو ائدیلمه‌سینه نایل اولوندوغو ایسه معما اولاراق قالیر. ترامپ و نتانیاهو ایرانین «آرتیق نووه دولتی» اولمادیغینی، بو پوتنسیالین تمامیله محو ائدیلدیینی دئییر، رسمی تهران عکسینی. بین‌الخالق مئدیادا یاییلان اینفورماسییالارین مقایسه‌سی، ائلجه ده ماگاته-نین آچیقلامالاری و ایران‌لی رسمیلرین «نووه پروگرامین‌دان امتنا ائتمدیکلرینه دایر» دئدیکلری «نووه پوتنسیالینین» تام سیرادان چیخاریلمادیغی فکرینی گوجلندیریر. و تهرانین نووه پروگرامی ایله باغلی ایکی رئاللیق دا اؤنه چیخیر.

آ) نووه پوتنسیالی جدی ضربه آلدی؛

- نووه متخصصلری سیرادان چیخدی، اوبیکتلری بؤیوک ضرر گؤردو؛

- ایرانا ایتکیلرینی برپا ائتمک، یاخود «نووه سلاحی»نی الده ائتمک اوچون ان یاخشی حال‌دا «بیر نئچه ایل» لازیم‌دیر؛

- آمریکا و اسرائیلین مشاهده‌سی آلتیندا اولان ایرانین بئله جهدلرینین پرسپکتیوی دومانلی گؤرونور؛

ب) محاربه نووه پروگرامینین ایران اوچون نه قدر واجیب اولدوغونو اورتایا چیخاردی؛

- نووه پوتنسیالی هله ده قالیر: متخصص پروبلمی یاشانسا دا، تکنیکی امکانلاری وار؛

- هدف سئچیله‌ن نووه اوبیکتلرین‌دن زنگینلشدیریلمیش اورانین ان آز بیر قیسمینین چیخاریلدیغی وئرسیاسی هله ده گونده‌م‌ده‌دیر: ماگاته متخصصلری استحصال اولونان نووه ماتریالی و ۶۰ فایزه قدر زنگینلشدیریلمیش اورانین یئرینین بیلینمدیینی دئییر؛

- پنتاگونون مئدیایا سیزان قیمتلندیرمه‌سینده آمریکانین ضربه‌لرینین «نووه پروگرامینی» تمامیله محو ائتمدیی، «یالنیز بیر نئچه آی گئجیکدیردیی» قید اولونور (آغ ائو بو ایفورماسییانی تکزیب ائتسه ده)؛

- و ان اساسی، بو محاربه‌ده ایران رئژی‌می آنلادی کی، «نووه سلاحی» اولمادان تهلوکسیزلیین تعمین ائدیلمه‌سی مومکون دئییل، خصوصیله «موتتفیق‌سیز» قالمالاری فونون‌دا: بو رئال‌لیق ایران خالقی طرفین‌دن ده دستک‌لنه بیلر.

نتیجه اعتباریله، ایران رئژیمینین نووه پروقرامین‌دان ایمتینا ائتمیجیی و «دینج نووه» آدی آلتین‌دا بو هدفینه دوغرو موختلیف فورمالاردا ایرلیلیجیی آیدین گؤرونور. بونو دایاندیرماغین محاربه ایله ممکن اولمادیغی، یاخود شرطلرین یئتیشمه‌مه‌سی فونوندا ایکی ممکن واریانت اولا بیلر:

بیرینجی‌سی، دانیشیقلارین داوام ائتدیریلمه‌سی و نووه پروگرامینین دیپلماتییا یولو ایله نظارته گؤتورولمه‌سی‌دیر؛

بو واریانتین «نووه‌سیز ایران» پلانینا اوغور گتیرجیی شبهه‌لی‌دیر.

- آمریکا و اسرائیلین نووه دانیشیقلارینا قاییتماسی مباحثه‌لی وضعیت یارادیر، چونکی ترامپ نووه پوتنسیالینین تمامیله محو ائدیلدیینی، نتانیاهو «ایرانین نووه دولتی اولمادیغینی» دئییر. بو حال‌دا ماسایا ایلشمک اؤزونو تکزیب ائتمک دئمک‌دیر.

- دانیشیقلار ایرانین «دینج نووه» ایستکلرینی ده آکتواللاشدیریر و محاربه‌ده تسلیم اولمایان رژیمین ماسادا تسلیم اولماسی احتمالی کفایت قدر ضعیفله‌ییب.

- حتی ماسادا راضی‌لیق الده ائدیلسه بئله، ایرانین نووه پروگرامینی تام آچاجاغینا، ائلجه ده هدفینه چاتماق اوچون دانیشیقلارلا زمان قازانمایاجاغینا ضمانت یوخ‌دور؛

ایکینجی‌سی، ایران‌دا رژیمین دییشمه‌سیدیر؛

«نووه‌سیز ایران» اوچون یگانه ممکن واریانت بو اولا بیلر. و استثنا دئییل کی، محاربه ایله بونا نایل اولا بیلمه‌یه‌ن (بو تاکتیکانین ممکن‌سوز اولدوغو اولدن گؤرونوردو) آمریکا و اسرائیل رژیمی دییشمک اوچون فرقلی ایستراتگییا ایزله‌یه‌جک: داخیلی‌ده «قاینار نقطه‌لرین» تتیکله‌نمه‌سی، سوسیال-ائتنیک گروپلارین اعتراض پوتنسیالینین اؤنه چیخاریلماسی و س. هرچند، «یان تأثیرلری»نی پروگنوزلاشدیرماغین چتین اولدوغو بو پلاندا هدفه چاتماق داها اوزاق پرسپکتیوده ممکن اولا بیلر. یاخین پرسپکتیوده کونکرت ندن عبارت اولدوغو بیلینمه‌یه‌ن آتشکه‌سین شیفاهی اولاجاغی، طرفلرین قارشی‌لیق‌لی هجوملار و کشفیات حمله‌لرینی داوام ائتدیرجیی گؤزلنتی‌سی داها چوخدور.

بوتون بونلارین فونون‌دا گئوسییاسی گوج بالانسی اوغروندا مباریزه‌نین روسیا-اوکراینا خطین‌دن ایران-اسرائیل خطینه دوغرو میل‌لنه بیله‌جه‌یی ده گؤرونور.