دونن ایران تهرانین انقلاب میدانین‌دا اسرائیل اوزرین‌ده غلبه‌نی بایرام ائدیب. هانسی غلبه‌دن صحبت گئدیر، معلوم دئییل.

۱۲ گونلوک محاربه عرضینده اسرائیل اوردوسو ایرانین ۳۰-ا یاخین اوردو کوماندانینی، نووه عالیملرینی اؤلدوردو، اؤلکه‌نین حربی اینفراستروکتورلارینا ضدی ضربه ووردو، هوا هجومون‌دان مدافعه سیستملری محو ائدیلدی. اسرائیل آویاسییاسی ایران سماسیندا حکمرانلیق ائدیردی. قیریجی-بمباردمان‌چیلار راحت شکیلده ایرانین ایسته‌نیلن اوبیکتینی وورا بیلیردی و س.

ایرانین دا اسرائیله ضربه‌لری اولدو، آنجاق اسرائیل‌ده موساد-ین بیر عضوو ده اؤلمه‌دی، یاخود چاخال-ین گنرالی و یا پولکوونیکی خسارت آلمادی؛ اسرایل ۱،۷ میلیون ک.و-ک.م اراضی‌ده ایسته‌نیلن نقطه‌نی، حتی گنراللاری ائوینین یاتاق اوتاغیندا دقیق ضربه ایله محو ائده بیلسه ده، ایران جمعی ۲۲ مین ک.و-ک.م اراضی‌سی اولان اسرائیل‌ده یالنیز ملکی بینالارا خطر یئتیره بیلدی – یعنی هارا گلدی، آتیردی...

محاربه عرضین‌ده ایران‌دان ۵۰۰-ا یاخین مختلف تیپلی بالستیک، هیپرسس راکت آتیلدی کی، بونلارین دا یالنیز ۵۰-یه یاخینی هدفه چاتا بیلدی. اگر بو راکتلرین هامی‌سی اسرائیله دوشسیدی، بو گون اسرائیل آدیندا دولت یوخ ایدی.

ایرانین ضربه‌لری نتیجه‌سینده ۲۸ مولکی شخص اؤلوب، ایسرایلین ضربه‌لرین‌ده ایسه ۶۰۶ و بو ۶۰۶ ایرانین رسمی معلوماتی‌دیر: بو ۶۰۶-نین ایچین‌ده اساساً گنراللار، سئپاه-این و اوردونون ظابطلری چوخلوق تشکیل ائدیر.

ایسرایل یاراندیغی گون‌دن اطرافینداکی عرب اؤلکه‌لری ایله آپاردیغی هئچ بیر محاربه‌نی اودوزماییب، اما بو اؤلکه بیر دفعه ده اولسون غلبه بایرامی کئچیرمه‌ییب. عمومیتله اسرائیلین تقویمینده بئله بایرام یوخ‌دور.

اما اسرائیله بوتون ساواشلاری اودوزان عرب اؤلکه‌لرین‌ده خیلی سایدا «اسرائیل اوزرینده غلبه» بایراملاری وار.

مثلاً، مصرده اوکتیابرین ۶-سی یوم القوت الموسلله بایرامی کئچیریلیر. بو بایرام ۱۹۷۳-جو ایلده یوم کیپپور (قیامت گونو) محاربه‌سینده مصر اوردوسونون سوئز کانالینی کئچمه‌سینه حصر اولونوب. همین محاربه‌نین نتیجه‌سینده مصر مغلوب اولدو. اسرائیل اوردوسو قاهره‌نین ۱۰ ک.م-ده دایانمیشدی. یالنیز آمریکانین تاکیدلریندن سونرا اسرائیل اوردوسو گئری چکیلدی.

سوریادا دا ۶ اوکتیابر یوم باد حرب اوکتوبر – اوکتیابر محاربه‌سینین باشلاندیغی گون قید اولونور. بو بایرام دا اسرائیله مقاومت گونونه حصر اولونوب. مصرله یاناشی یوم کیپپور محاربه‌سینده اسرائیله هجوم ائد‌ن سوریا نتیجه‌ده آغیر مغلوبیت آلدی، جولان تپه‌لرینین بیر حیصه‌سینی ده ایتیرمه‌لی اولدو.

لیوان‌دا دا یوم تحریر الجنوب – قورتولوش گونو آدلی بایرام قید اولونور. ۱۹۸۲-جی ایلده اسرائیل «قالیلیا اوچون صلح» آدلی عملیات نتیجه‌سین‌ده لیوانین جنوبونو اشغال ائد‌رک تهلوکه‌سیزلیک زوناسی یاراتمیشدی. ۲۰۰۰-جی ایل مایین ۲۵-ده ایسه ب.ام.ت-نین ۴۲۵ سایلی قطعنامه‌سینه اویغون اولاراق تهلوکه‌سیزلیک زوناسینی ترک ائتدی. لیوان‌لیلار دا بو بایرامی اسرائیل اوردوسونون لیوانین جنوبون‌دان چیخاریلماسینا حصر ائدیبلر.

بو جور «غلبه» بایراملاری فلسطین مختاریتین‌ده، غزه‌ده دا قید اولونور. فلسطین هله مستقل اولا بیلمیر، غزه‌ده داغینتیلاردان باشقا هئچ نه یوخدور، اما اسرائیل اوزرین‌ده غلبه بایرامی وار!