۱۲ گون داوام ائد‌ن محاربه تکجه ایرانین ایندییه قدر تبلیغ اولونان «قدرتینین» پافوسدان باشقا بیر شی اولمادیغینی اورتایا چیخارمادی، هم ده بو رژیمین دوشدویو وضعیتدن درس چیخارمادیغینی، پروبلم و گناهکارین کناردا آختاریشینین آپاریلماسی پسیخولوگییاسیندان خلاص اولا بیلمدیینی نوبتی دفعه تصدیقله‌دی. آجیناجاقلی وضعیتدیر: ۱۲ گون عرضینده اسرائیل ایرانین حربی رهبرلیینی سیرادان چیخاردی، هوا مکانینی تام نظارته گؤتوردو، نووه پروگرامینی و اؤیوندوکلری راکتلری «زیبیل قوتوسونا» آتدی و بوتون بونلاری ایران داخلینده قوردوغو جاسوس و حربی کشفیات واسطه‌سیله اجرا ائتدی.

بو منظره قارشی‌سیندا ایرانی اداره ائد‌نلر اوتورمالی و دوشونمه‌لیدیر: هارادا سهو ائدیبلر، ان یوکسک سوییه‌یه قدر اوزانان جاسوس شبکه‌سینی نئجه گؤره بیلمه‌ییبلر، اسرائیل تهرانین مرکزینده درون استحصال ائدرکه‌ن، بو اؤلکه‌نین تهلوکه‌سیزلیک ارگانلاری و کشفیاتی، سپاه-ی، اطلاعاتی هارادا یاتمیشدی؟!

بیز بونون عکسینی گؤردوک. ایرانین محافظه‌کارلارا و سپاه-آ باغلی مدیاسین‌دا و فارس‌دیللی سوسیال شبکه‌لرده رژیمین «دیرکتیولری» اساسین‌دا اوزلشدیکلری مغلوبیته، دوشدوکلری آجیناجاقلی وضعیته گؤره «گناهکار» آختاریشی آپاریلیر، خصوصیله آذربایجانین سوچ‌لو چیخاریلماسینا گولونج جهدلر ائدیلیر.

آذربایجانا قارشی ایر‌لی سوروله‌ن ادعالار/اتهاملار گولونج اولدوغو قدر، آبسورددور دا. بو ادعالارا باخین:

- گویا آذربایجان موساد-این گئنیش و هرطرفلی فعالیتی اوچون اؤز اراضی‌سینده مونبیت شرایط یارادیبمیش؛

- گویا موساد-این ایران‌دا گیزلی امکداشلارینین و عملیات گروپونون یارانماسینا آذربایجان دولتی کمک ائدیب و ایران‌داکی سویداشلارین اسرائیل خصوصی خدمت ارگانلارینا جلب ائتدیلمه‌سینه یاردیم ائدیب؛

- گویا ایران و گونئی آذربایجان شهرلرینین، خصوصیله تبریزده‌کی استراتژی اوبیکتلرینین بمبالانماسین‌دا آذربایجان نفتینین و یاناجاغینین خصوصی رولو اولوب. یعنی آذربایجان نفت ساتماسا، اسرائیلین اف-۳۵-لری ایرانی دارماداغین ائتمک اوچون اوچا بیلمه‌یه‌جکدی؛

- گویا آذربایجان محاربه‌ده قونشو اؤلکه‌یه هجومو قیناماییب؛

- گویا آذربایجان مسلمان اؤلکه‌سی اولاراق، ایرانین «صهیونیستلرله» محاربه‌سینده قارداشلارینا آرخا دورماییب.

هئچ بیر فاکت اولمادان ایر‌لی سوروله‌ن بو ادعالارین یئگانه مقصدی ایران حاکمیتینین مغلوبیتین مسولیتین‌دن یایینماسی، اؤزلرینی «تمیزه چیخارماق» و گونئی آذربایجان‌داکی سویداشلاریمیز آراسین‌دا آذربایجانلا باغلی منفی ریین یارادیلماسی‌دیر. لاکن ائله گونئیلی سویداشلاریمیز فارس‌دیللی مدیانین ادعالارینا/اتهاملارینا توتارلی جواب وئره‌رک، بوتون بونلارین ایران حاکمیتیندن قایناقلانان قارایاخما کامپانییاسیندان باشقا بیر شی اولمادیغینی گؤستردیلر.

گونئی آذربایجان بؤلگه‌سینین سوسیال مدیا سگمنتلرینده فارس‌دیللی مدیانین اساس‌سیز و غرضلی ادعالارینا جسارتلی و آرگومنتله وئردیی جوابلار بو قارایاخما کامپانییاسینی آلت-اوست ائتدی.

بو جوابلارین ندن عبارت اولدوغونا دقت ائدک:

- آذربایجان-ارمنیستان محاربه‌سینده ایرانین توتدوغو مؤقع، گؤستردیی مناسبت، تورپاقلاریمیزین اشغالینین داوامی اوچون ارمنیستانا وئردیی حربی و اقتصادی یاردیم، ارمنیساتانا و قاراباغا داشینان سلاحلار اوچون ترانزیت اولماسی فاکتلاری ایر‌لی سورولوب؛

- ۳۰ ایللیک محاربه دؤورونده آذربایجانین مادی-مدنیت عابده‌لری داغیدیلارکه‌ن، اسلام مدنیتی واندالیزمه معروض قالارکه‌ن، اؤزونو اسلام رسپوبلیکاسی آدلاندیران ایران ارمنیستانی دستکلییردی. حتی ایران شوشا شهرینده تاریخی و دینی عابده‌لرین مقصدلی شکل‌ده فارسلاشدیریلماسینا جهد ائدیردی؛

- ۴۴ گونلوک محاربه‌ده آذربایجان اردوسو تورپاقلاریمیزی آزاد ائدرکه‌ن، ایران حرب‌چیلری زنگیلان‌دا عسگرلریمیزین اؤنونده صونعی مانعه‌لر یارادیر، اشغال‌چی ارمنیستانا کشفیات و دیگر حربی یاردیملار ائدیردی؛

- وطن محاربه‌سینده ارمنیستان گنجه و برده شهرله‌نی بمبالایان‌دا، ملکی انسانلاری قتله یئتیرنده ایران دولتی سوسور، بو گون آذربایجانی اتهام ائد‌ن فارس‌دیللی مدیا ایسه ارمنیلرین روپورو رولون‌دا چیخیش ائدیردی. ایندی ملکی انسانلارین ضرر گؤرمدیی، یالنیز حربی هدفلرین داغیدیلدیغی ایران-اسرائیل محاربه‌سینده آذربایجاندان «کمک اوممالاری» تراژی‌کومیکدیر؛

- ۴۴ گونلوک محاربه‌ده ایرانین سرگیلدیی خاین مؤقع‌دن فرقلی اولاراق، آذربایجان بو محاربه‌ده اؤزونو همیشه اولدوغو کیمی لیاقتلی شکل‌ده آپاردی. پرزیدنت ایلهام علیئوین گونئی‌لی سویداشلاریمیزین یاشادیقلاری بؤلگه‌لرده حربی هدفلره ضربه ائندیررکه‌ن، سیویللرین خسارت آلماماسی ایله باغلی اسرائیل دولتینه دفعه‌لرله مراجعت ائتمه‌سی ده بونون رئال نمونه‌سی‌دیر. و بو مراجعت هم ده ایرانین مغلوب اولدوقلاری محاربه‌یه گؤره آذربایجانا قارشی ایر‌لی سوردوکلری ادعالاری آلت-اوست ائدیر.

گونئی‌لی سویداشلاریمیز فارس‌دیللی مدیانین اؤلکه‌لرینین چتین وضعیته دوشمه‌سینه باخمایاراق، آذربایجانی اتهام ائتمه‌سینه محض بو آرگومنتلرله توتارلی جواب وئردی. بو، ایران حاکمیتی اوچون ده درس اولمالی‌دیر. آنلامالیدیرلار کی، گونئی‌لی سویداشلاریمیز آذربایجان حاقین‌دا منفی رای یاراتماق اوچون اویدورولان ادعالار/اتهاملاری یاخشی گؤرور و مقصدین نه اولدوغونو آنلاییر.