آذربایجان هئچ واخت ایمکان وئرمز کی، آذربایجان‌لیلارین دا وطنی اولان ایرانا بیزیم اراضیمیزدن کیم‌سه استفاده ائد‌رک ضربه ائندیرسین.

Axar.az خبر وئریر کی، بو سؤزلری میللت وکیلی قدرت حسن‌قولیئو ایرانین اسرائیل درونلارینین آذربایجان اوزرین‌دن ایرانا ضربه‌لر ائندیرمه‌سینه دایر «معلوماتلارین» آذربایجان طرفیندن آراشدیریلماسینین ضروری‌لییی باره‌ده آچیقلاماسی حاقدا دانیشارکه‌ن دئییب.

«ایران یاخشی اولار کی، بیر داها اسرائیلی محو ائدجیینی سؤیله‌مه‌سین، اسرائیل و آمریکا ایله باریش اوچون سعی گؤسترسین، تعجیلی اؤلکه داخلین‌ده اصلاحاتلارا باشلاسین. همیشه دئییرم کی، پزشکیان ایرانین دینج انکشافی اوچون بلکه ده سون شانس‌دیر.

ایران اؤزو آراشدیرمالیدیر کی، نیه اونون وطنداشلاری بو قدر گئنیش فورمادا اسرائیلین خصوصی خدمت اورگانلاری ایله امکداشلیق ائدیب؟ ایرانین حربی اوبیکتلرینه ضربه‌لر ائندیرن درونلارین چوخو ایران اراضی‌سینده ییغیلیب و ایران اراضی‌سیندن ده ضربه‌لر ائندیریلیب. آخی، ایران اسلام دولتی‌دیر و دینیمیزه گؤره وطنی قوروماق ایمان‌داندیر. بونون ساده جاوابی بو آتالار مثالیندادیر - «آجین ایمانی، توخون آمانی اولماز»، - ملت وکیلی بیلدیریب.