آذربایجان – یگانه اؤلکه‌دیر کی، عینی آندا هم روسیا، هم ده ایرانلا قورو سرحدینه صاحبدیر. هر ایکی دولت آذربایجانین مستقل موجودلوغونو اؤز گئوسیاسی پلانلارینا تهدید کیمی گؤرور و اؤلکه‌میزه قارشی یئنی اشغال پلانلارینی "تاریخی حقوق" کیمی اساسلاندیرماغا چالیشیر.

Axar.az خبر وئریر کی، بو سؤزلری پولیتولوگ ائلدار نمازوو قید ائدیب.

"سون دورلرده روسیا-آذربایجان مناسبتلرین‌ده یاشانان حادثه‌لر، همچینین ایران اسلام انقلابی کشیک‌چیلری کورپوسو ایله باغلی ساختا ادعالار و سایتلاردا یاییلان، گویا آذربایجان اراضی‌سیندن اسرائیل پوا-لارینین ایران‌دا حربی اوبیکتلری وورماسی کیمی خبرلر هئچ کیمی تعجبلندیرمه‌مه‌لیدیر.

اونلارین قارشی‌سینی آلان یگانه سبب – آذربایجانین علیهینه یؤنه‌له‌جک تجاوزون حربی-سیاسی نتیجه‌لرینین اونلار اوچون تام حسابلانماماسی‌دیر. اونلاری بو نیت‌دن بیردفعه‌لیک چکیندیره بیله‌جک یگانه عامل ایسه – بئله بیر تجاوزون ممکن‌سوزلویونو و یا بونون چوخ باها باشا گلجیینی دقیق نوماییش ائتدیرمکدیر.

بونا گؤره ده روسییا و ایرانی قیجیقلاندیرماق، تحریک ائتمک لازیم دئییل. عکسینه، اونلارین حسابلامالارینی یکونلاشدیرماغا و دوغرو نتیجه‌یه گلمه‌لرینه کمک ائتمک لازیم‌دیر. بو مقصدله شوشا بیاننامه‌سی اساسین‌دا، اونون منطیقی داوامی کیمی، قیسا مدت‌ده آذربایجان‌دا رگیونون ان بؤیوک تورکییه حربی بازاسینین یئرلشدیریلمه‌سی قراری وئریلمه‌لیدیر.

ان آنلامایان قونشولار اوچون ایسه بو بازانین بیر حیصه‌سینی ۲۵۰ میلیونلوق اهالی‌یه و نووه سلاحینا مالیک دیگر متفیقیمیز – پاکستان حربی هوا قوه‌لرینه ایجاره‌یه وئرمک کفایت ائدر.

بو، پولیتولوگیادا «گوج یولو ایله صلح» آدلانیر. ساده دیلده دئسک – مسکوا و تهرانین آذربایجانلا باغلی پلانلارینا «اونوت!» دئمیین واختیدیر"، - نمازوو علاوه ائدیب.