آذربایجان هئچ واخت روسیانین ایستراتژی طرفداشی اولماییب.

Axar.az خبر وئریر کی، بونو روسییا دولت دوماسینین ام.د.ب ایشلری، آوراسیا اینتگراسیاسی و هموطنلرله علاقه‌لر کمیته‌سی صدرینین بیرینجی معاوینی کونستانتین زاتولین دئییب.

او قید ائدیب کی، آذربایجان نه آوراسیا اینتگراسیا اتفاقینین، نه ده کولکتیو تهلوکه‌سیزلیک مقاویله‌سی تشکیلاتینین عضوودور:

«روسییانین یالنیز آوراسیا اینتگراسیا اتفاقینین، نه ده کولکتیو تهلوکه‌سیزلیک مقاویله‌سی تشکیلاتینین عضولرینه مناسبت‌ده «ایستراتژی طرفداش» ایفاده‌سی ایشلدیلیر. عینی زمان‌دا، بئله عضولوک آچیق آنتی‌روسیا کورسوندان قورومور. قاراباغین «ارمنیلردن تمیزله‌نمه‌سیندن» سونرا آذربایجان رهبرلیینین روسیانین ممکن منفی رئاکسیاسینی گؤزله‌مک و یا روسیانین بو تیپ حرکتلره مداخله‌سین‌دن احتیاط ائتمک اوچون هئچ بیر اساسی قالمادی. روسیا ایله خصوصی مناسبتلری وورغولاماق ضرورتی آرتیق اؤز اهمیتینی ایتیریب».

اونون سؤزلرینه گؤره، قاراباغ اولماسا بئله، آذربایجان دا روسیا کیمی تجارت-اقتصادی ساحه‌ده امکداشلیقدان فایدالانمالیدیر:

«روسیادا خیلی سایدا آذربایجان وطنداشی امک میقرانتی کیمی فعالیت گؤستریر، روسیا وطنداشلاری آراسیندا دا آذربایجانلیلار چوخدور. اما آذربایجان مستقل‌لیک تاریخی بویو هئچ واخت ایستراتژی طرفداش اولمامیشدیر، بو بیزیم طرفیمیزدن یانلیش تصوردور. آذربایجان‌دان شمال-جنوب دهلیزینین المنتی کیمی استفاده ائتمک پلانلاریمیز، فکریمجه، چوخ پروبلم‌لی‌دیر. بو ایش داوام ائتسه ده، هله کی، ایرلیلییش اولماییب».