روسیا-آذربایجان مناسبتلری سون ایللر اولدوقجا چتین مرحله‌یه قدم قویوب. ۲۴ فورال ۲۰۲۲-جی ایلده‌ن ایکی طرفلی مناسبتلرده باش وئرن دییشیک‌لیکلر خصوصیله نظره چارپیر. اوخشار پروسسلر بوتون ام.د.ب مکانیندا گئدیر، لاکین ان قطیعتلی و آچیق حرکت ائد‌ن آذربایجان اولوب. روسیا عنعنوی اولاراق اؤزونو پوست سووت مکانیندا هگمون حساب ائتدیی اوچون بونونلا باریشا بیلمیر. قید ائتمک یئرینه دوشر کی، پرزیدنت ایلهام علیئو اؤزو دیپلماتیک ساحه‌دن گلیب و بین‌الخالق مناسبتلری یاخشی بیلیر. او، کیچیک امکانلاردان دا ماکزیموم استفاده ائتمیی باجاریر.

Axar.az خبر وئریر کی، بونو اؤزبکستان‌لی پولیتولوگ جهانگیر اکرموو دئییب.

«قاراباغ باکی‌نین نظارتینه قایتاریلدیقدان و آذربایجانین سوورنلییی برپا ائدیلدیکدن سونرا اؤلکه غربله بؤیوک نفت و گاز مقاوله‌لری امضالادی.

ترانس خزر مارشروتو اوزره انرژی رسورسلارینین مرکزی آسیادان آذربایجان‌دان کئچمکله آوروپایا نقلینه دایر سازشلر باغلانیب. ایرانین روسیا اوچون آرتان اهمیتی ده رول اویناییر - آذربایجان بو اؤلکه‌لر آراسیندا یئرلشیر. بوتون بونلار باکی‌نین مسکوانی برابرحقوق‌لو مناسبتلره دوغرو سوق ائتمه‌سی اوچون الوئریشلی شرایط یاراتدی. روسیا ایسه بئله نمایشکارانه شکیلده برابرلیک ایستیینین پرسدنت اولا بیله‌جه‌ییندن احتیاط ائدیر. بو کونتکستده ایلهام علیئوین مایین ۹-دا مسکوادا کئچیریلن پاراددا اشتراکدان امتنا ائتمه‌سی، یومشاق گوج آلتی اولان «روس ائوی»نی باغلاماسی، مطبوعاتدا روسیا علیهینه سربست بیاناتلار وئرمه‌سی دیگر ام.د.ب اؤلکه‌لری، او جمله‌دن مرکزی آسیا دولتلری اوچون نمونه اولا بیلر. روسیا بونون قارشی‌سینی آلماغا چالیشیر»، - او بیلدیریب.