ایران اسلام رسپوبلیکاسینین ارمنستان رسپوبلیکاسین‌داکی سفیری مهدی سبحانینین اقتصادی امکداش‌لیق تشکیلاتینین (اکو) خانکندی شهرینده کئچیریلمیش ۱۷-جی زیروه گؤروشونون یکون سندی ایله باغلی ادعالاری قبول ائدیلمزدیر.

ایران اسلام رسپوبلیکاسینین سفیرینین دقتینه چاتدیریریق کی، زیروه گؤروشونون نتیجه‌لرینین عکس اولوندوغو خانکندی کومونیکاسی اکوعضو دولتلری ایله اولجه‌دن راضیلاشدیریلدیغی کیمی، اولکی زیروه گؤروشلرینین تجروبه‌سینه اویغون اولاراق، عضو دولتلرله راضیلاشدیریلماسینا احتیاج اولمادان سامیتین صدرینین خلاصه‌سی فورماتیندا ترتیب ائدیله‌رک تشکیلاتین رسمی اینترنت صحیفه‌سینده درج ائدیلیب.

بو حال‌دا، ایران سفیرینین گویا خانکندی کومونیکسینین قبول اولونماسی و ایران طرفینین اونا قید-شرط قویماسی باره‌ده ادعالاری رئال وضعیتی عکس ائتدیرمیر. دیپلماتیک پراکتیکادا قید-شرط یالنیز دانیشیقلار نتیجه‌سینده قبول ائدیلمیش قرارلارا مناسبت‌ده وئریله بیلر.

حقیقت بودور کی، ایران اسلام رسپوبلیکاسی دا داخل اولماقلا اکونون بوتون عضولری اسلام امکداشلیق تشکیلاتینین دا عضولریدیر و ایران داخیل همین دولتلرین هامی‌سی ۲۱-۲۲ ایون تاریخلرینده استانبول‌دا کئچیریلمیش اکو ناظرلر شوراسینین ۵۱-جی سسییاسینین یکونون‌دا دانیشیقلار نتیجه‌سینده قبول ائدیلمیش «حاضرکی ارمنستان اراضیلریندن زورلا و سیستماتیک شکیل‌ده دیدرگین سالینمیش آذربایجان‌لیلارین قاییدیش حقوقو» آدلی قطعنامه‌ده و همین سسییانین یکون سیاسی سندی اولان استانبول بیاننامه‌سین‌ده غربی آذربایجان اجماسینین اؤز یوردلارینا لیاقتلی قاییدیش حقوقونا دستیینی ایفاده ائدیب، هابئله ارمنستان طرفیندن سؤزوگئدن اجمانین حقوقلارینین انکار اولونماسینی قیناییب.

خانکندی کومونیکئسی ایسه اکونون محض بو کونسنسوسلا قبول ائدیلمیش بیاننامه‌سینه استنادی احتیوا ائدیر.

بونونلا علاقه‌دار، ایران سفیرینین ارمنستانین آرمنپرس آگنتلیینه وئردیی مصاحبه‌ده سسلندیردیی فکرلر سیاسی مانیپولیاسییا و ریاکارلیقدان باشقا بیر شئی دئییل.