معلوم اولدوغو کیمی، بئش ایل اول - ۲۰۲۰-جی ایلین ایولون ۱۲-ده ارمنستان سلاح‌لی قوه‌لری توووز رایونو استقامتینده هجوما کئچ‌دیلر. آتیجی سلاحلار، میناآتانلار و آغیر آرتیلریا قورغولاریندان استفاده ائد‌ن دشمن تووزون آغدام، دوندار قوشچو، علی‌بیلی، واحیدلی، یوخاری اؤیسوزلو، آشاغی اؤیسوزلو کندلرینی آتشه توتدو.

دشمنه قارشی درحال جواب تدبیرلری گؤرولدو. ایولون ۱۲-دن باشلایان آکتیو دؤیوش عملیاتلاری ایولون ۱۷-ی آخشام ساعتلارینادک داوام ائتدی و ارمنستان سلاح‌لی قوه‌لری بؤلمه‌لرینین اؤن خطینده‌کی آتش نقطه‌لری، مدافعه‌سینین درینلیینده یئرلشه‌ن احتیاطلار، دایاق منطقه‌لری، آرتیلریا قورغولاری، مختلف تعییناتلی حربی اوبیکتلر، دؤیوش تکنیکالاری و یوزه‌دک جانلی قوه‌سی محو ائدیلدی.

Axar.az خبر وئریر کی، تووز دؤیوشلری زمانی آذربایجان اردوسونون "ایای هاروپ" کشفیات-ضربه پوا-لاری ایله ارمنستان حربی هوا قوه‌لرینین اوبیکتلرینی محو ائتمه‌سینین گؤرونتولرینی تقدیم ائدیر.