تهرانلا باکی آراسین‌دا مناسبتلر چوخ یاخشی سوییه‌ده‌دیر، ایرانلا مناسبتلریمیز اعلادیر و بو علاقه‌لر داوام ائد‌جک. بو یاخینلاردا ایران پرزیدنتی مسعود پزشکیانی خانکندی شهرینده قبول ائتدیک، بو، مثبت حادثه اولدو.

Axar.az خبر وئریر کی، بونو آذربایجان پرزیدنتی ایلهام علیئو ۳-جو شوشا گلوبال مدیا فورومو چرچیوه‌سینده ایرانین «مهر» آگنتلیینه مصاحبه‌سینده دئییب.

«آراز چایی اوزریندن دهلیزینین انشاسی پروسسی یاخشی گئدیر و بو لاییحه بیزیم طرفیمیزدن دئمک اولار کی، باشا چاتیب و گؤزله‌ییریک کی، ایران شرکتی ایرانا عاید اولان حصه‌نی تماملاسین. بیز آغبند-کلاله-جلفادا بو دهلیزین مهم حصه‌سینی تماملادیق، حساب ائدیرم کی، بو لاییحه بو ایلین سونونا کیمی فعالیته باشلایاجاق»، - پرزیدنت بیلدیریب.

ایلهام علیئوین سؤزلرینه گؤره، ایران اراضی‌سیندن جلفایا مارشروت تیکیلیر و تئزلیکله دمیر یولو مارشروتو کیمی استفاده‌یه وئریله‌جک.