فیفا آرگنتینا ملی‌سینین فوتبولچولارینین دنیا چمپیوناتینین فینال اویونوندان سونرا داورانیشلاری ایله باغلی آراشدیرمایا باشلاییب.

Axar.az خبر وئریر کی، فینالدا اسپانیا ییغماسی آرگنتینانی علاوه واختدا وورولان گلا ۱:۰ حسابی ایله مغلوب ائد‌رک چمپیون اولوب.

معلوماتا گؤره، اویوندان سونرا جنوبی آمریکا تمثیلچی‌سینین فوتبولچوسو لئاندرو پاردس اولجه رقیب مدافعه‌چی ائریک گارسیانین بوغازیندان توتوب، داها سونرا ایسه یاریم‌مدافعه‌چی گاوینی ایتله‌ییب.

بو داورانیشیندان سونرا اونو کوماندا یولداشلاری ساکتلشدیریبلر. بوندان باشقا، آرگنتینا ملی‌سینین مدافعه‌چی‌سی ناون مولینا اسپان فوتبولچو رودرینین غلبه‌نی قید ائتدیی واخت اونا قارشی کوبود حرکت ائتمه‌یه جهد گؤستریب. ییغمانین مشقچیلر کورپوسونون عضوو روبرتو آیالا ایسه دانی اولمویا یومروق آتماغا جهد ائدیب.

همچنین مکافاتلاندیرما مراسمینده آرگنتینا ملی‌سینین فوتبولچولاری اسپانیا ییغماسینا طرف چئوریلمه‌ییبلر. اونلار تریبونایا یاخینلاشاراق آزارکئشلرینه دسته‌یه گؤره تشکور ائدیبلر. اسپانیا ملی‌سینین فوتبولچولاری ایسه گوموش مداللاری آلماق اوچون پودیوما چیخان رقیبلرینی آلقیش دهلیزی ایله قارشیلاییبلار.