بئین الخالق فوتبول فئدئراسییالاری آسوسیاسییاسی (فیفا) فوتبول‌دا یئنی قای‌دانین تطبیق اولونا بیلجیینی آچیقلاییب.

آخار. آز ایسپوتنیک-ا ایستینادن خبر وئریر کی، بو باره‌ده قورومون تئکنیکی ایشلر اوزره کاتیبی، افسانوی فوتبول‌چو مارکو وان باستئن دئییب.

او بیلدیریب کی، یئنی وئریله‌جک قرارا اساساً، اویون عرضین‌ده حاکم‌دن ناراضی‌لیق اولارسا، کومان‌دا اویون‌چولارین‌دان، ساده‌جه بیرینه ایجازه وئریله‌جک کی، حاکمه اعتراضینی بیل‌دیرسین: "بیز چوخ واخت گؤروروک کی، حاکمدن ناراضی‌لیق اولان زامان کومان‌داداکی ۱۱ اویون‌چودان دئمک اولار کی، هامی‌سی حاکمین اوزرینه شیغیییر. نتیجه‌ده خوشاگلمز گؤرونتولر اوزه چیخیر".

"بو حرکتلره گؤره چوخ واخت حاکملر ده بیر نئچه فوتبولچونو قیرمیزی و یا ساری ورقه ایله جزالان‌دیریرلار. بونلار هامی‌سی قانونلارداکی بوشلوق‌دان قایناقلانیردی. ایندی ایسه بیز ائله بیر قای‌دا تطبیق ائتمک ایستییریک کی، ناراضی‌لیق اولان زامان کلوبون آنجاق کاپیتانی حاکمه یاخینلاشیب اعتراضینی بیل‌دیرسین. یئنه دئییرم، آنجاق کاپیتانلار"، — دئیه‌ن باستئنین سؤزلرینه گؤره، اوخشار قایدا رقبی ایدمان نؤعون‌ده ده مؤوجوددور.