پاکیستان تورکیه و فارس کؤرفزی اؤلکه‌لری ایله همرای‌لیک ایفاده ائدیب.

Axar.az خبر وئریر کی، بو باره‌ده پاکیستانین باش ناظیری شاهباز شریف تورکیه پرزیدنتی رجب طیب اردوغانلا تلفن دانیشیغی زمانی بیلدیریب.

ش.شریف تورکیه و رگیون‌داکی دیگر قارداش اؤلکه‌لره یؤنلمیش هجوملاری قطعی شکل‌ده قینادیغینی بیلدیریب:

"پاکیستانین تورکیه و کؤرفز اؤلکه‌لری ایله اولان سارسیلماز همرایلیینی یئنی‌دن تصدیقله‌دیم، گرگینلیین آزالدیلماسی و دیالوگ اوچون گؤستریله‌ن بوتون سعیلره دستک وئرمه‌یه حاضر اولدوغوموزو چاتدیردیم".

لیدرلر افغانیستان‌داکی وضعیته دایر فکر مبادله‌سی ده آپاریبلار:

"تورکیه‌نین پاکیستانلا افغانیستان آراسین‌دا صلحون یارادیلماسی سعیلرینی دستکله‌مه‌سی، خصوصیله ده بایرام گونلرینده اعلان ائتدییمیز موقتی آتشکسه وئردیی سون تحفه‌لری تقدیرله قارشیلادیغیمی بیلدیردیم".

صحبت زمانی پاکیستان و تورکیه آراسین‌دا ایکی‌طرفلی امکداشلیق دا مذاکره اولونوب.