کویت ییغماسی "باکی ۲۰۱۷" اسلام همرای‌لیگی اویونلاریندا ایشتیراک ائتمه‌یه‌جک.

بو بارده رئپورت-آ گنجلر و ایدمان ناظیرلیینین مطبوعات خیدمتینین رهبری سمایه ممدووا معلومات وئریب.

اونون سؤزلرینه گؤره، سبب کویتین بین الخالق اولیمپییا کومیته‌سی طرفیندن اوزلشدیی سانکسییادیر:

"بین الخالق اولیمپییا کومیته‌سی کویت اولیمپییا کومیته‌سینی بوتون بین الخالق یاریشلاردا ایشتیراکدان کنارلاشدیریب. آذربایجان میللی اولیمپییا کومیته‌سی، ائلجه ده ایدمان قوروملاری ایدمان تدبیرلرینی بین الخالق اولیمپییا کومیته‌سینین طلبلری چرچیوه‌سین‌ده حیاتا کئچیردیی اوچون کویتین آذربایجانا گلمه‌سی ممکون دئییل. یعنی، آذربایجانین اسلام همرای‌لیگی اویونلاریندا کویتین مالییه خرجلرینی ده اؤز اوزرینه گؤتورمه‌سی ایله باغلی خبرلر حقیقته اویغون دئییل. کویت ایسته‌سه بئله، اویونلارا قاتیلا بیلمز".

قید ائدک کی، ۴-جو اسلام همرای‌لیگی اویونلاری ۱۲ - ۲۲ مایدا کئچیریله‌جک. هله‌لیک ایسلام امکداشلیق تشکیلاتینا ۵۷ عضو اؤلکه‌دن ۵۴-او اویونلاردا ایشتیراکینی تصدیقله‌ییب. کویتین کناردا قالماسی اسلامیادادا ماکسیموم ۵۶ اؤلکه‌نین ایشتیراک ائده بیلجیی آنلامینا گلیر.