ایسپانییا میللی کومانداسینین فوتبولچولاری سئرخیو راموس و ژئرار پیکئ آراسیندا مشق زامانی داوا دوشوب.

رپورت-اون خبرینه گؤره، بونا کاتالونییانین ایسپانییادان آیریلیب موستقیللیینی اعلان ائتمه‌سی ایله باغلی رفرندوم سبب اولوب. «رئال مادرید»این کاپیتانی اولان راموس «بارسئلونا»نین فورماسینی گئیینه‌ن پیکئنی ییغمانین دوشرگه‌سینده احوال-روحییه‌نی پوزماقدا اتهام ائدیب.

داها اول ایسپانییالی آزارکش لر ییغمانین مادریدده باش توتان مشق پروسئسی زامانی ژئرار پیکئنی فیته باسیبلار و اونون دوشرگه‌نی ترک ائتمه‌سینی ایسته‌ییبلر. فاناتلار حساب ائدیر کی، ۳۰ یاشلی کاتالونییالی فوتبولچو کیو-ده و سوسیال شبکه‌لرده سسلندیردیی فیکیرلرله ییغمایا زیان وورور.

خاطیرلاداق کی، رئفئرئندوم اوکتیابرین ۱-ده کئچیریلیب. کاتالونییا موختاریتینین رهبری کارلئس پوچدئمون پروسئسده ایشتیراک ائد‌نلردن ۹۰ فایزینین موستقیللیک لئهینه سس وئردیینی آچیقلاییب.